ខេត្តស្វាយរៀងៈបុរសម្នាក់បានរងរបួសធ្ងន់ នៅក្នុងករណីគ្រោះថ្នាក់ចរាចររវាងម៉ូតូនិងម៉ូតូ ដែលហេតុការណ៍ខាងលើនេះ បានកើតឡើងនៅវេលាម៉ោង២០ និង៤៥នាទីយប់ថ្ងៃទី ២៣ ខែ តុលា ឆ្នាំ ២០១៩ នៅលើផ្លូវអក្សរ (T) លេខ ២០៤ ស្ថិតក្នុងភូមិ មេភ្លើង សង្កាត់ ស្វាយរៀង ក្រុង ស្វាយរៀង ។
សមត្ថកិច្ចបានឱ្យដឹងថាៈ មានម៉ូតូមួយគ្រឿង មិនស្គាល់ម៉ាក អ្នកបើកបរក៏មិនស្គាល់អត្តសញ្ញាណ បើករត់គេចពីកន្លែងកើតហេតុ បើកបរពីលិចទៅកើត ។ ចំណែកម៉ូតូមួយគ្រឿងទៀតម៉ាកViva ពណ៌ ខ្មៅ គ្មានផ្លាកលេខ បើកបរដោយឈ្មោះ នុន ឈុន ភេទ ប្រុស អាយុ ៤០ ឆ្នាំ មុខរបរ កសិករ រស់នៅភូមិ ព្រៃឆ្លាក់ សង្កាត់ព្រៃឆ្លាក់ ក្រុង ស្វាយរៀង ខេត្ត ស្វាយរៀង បើកបរពីត្បូងទៅជើង មិនពាក់មួកសុវត្ថិភាព រងរបួសធ្ងន់ ម៉ូតូខូចខាតស្រាល ។
ប្រភពខាងលើបានឱ្យដឹងទៀតថាៈ ចំពោះមធ្យោបាយរក្សាទុកនៅអធិការក្រុងស្វាយរៀង ។ដោយឡែកអ្នករបួសសម្រាកព្យាបាលនៅ មន្ទីរពេទ្យខេត្តស្វាយរៀង ។ មូលហេតុ អ្នកបើកម៉ូតូរត់គេច ពីកន្លែងកើតហេតុមិនគោរពសិទ្ធិអាទិភាព ៕ដោយ៖ វ៉ៃកូ