ប៉ូលីសអង់គ្លេសបានធ្វើការស៊ើបអង្កេត ក្រោយពេលសាកសពចំនួន ៣៩ត្រូវបានគេរកឃើញនៅក្នុងឡានកុងតឺណឺមួយគ្រឿងនៅតំបន់ Essex កាលពីព្រឹកថ្ងៃពុធ។
នៅក្នុងកុងតឺណឺមានសាកសពមនុស្សពេញវ័យចំនួន ៣៨នាក់ និងមនុស្សជំទង់ម្នាក់។
អ្នកបើករថយន្តកុងតឺណឺនោះត្រូវបានចាប់ខ្លួនសង្ស័យពីបទឃាតកម្ម។ ជនសង្ស័យអាយុ ២៥ឆ្នាំ មកពីអៀរឡង់ខាងជើង។
ប្រធានគ្រប់គ្រង និងចាត់ចែងនៃប៉ូលិសក្នុងតំបន់ Essex ឈ្មោះ Andrew Mariner បាននិយាយថា ”នេះគឺជាសោកនាដកម្មដែលមនុស្សជាច្រើនបានបាត់បង់ជីវិត។ ការស៊ើបអង្កេតរបស់ពួកយើងកំពុងបន្តធ្វើដើម្បីរកឲ្យដឹងថាមានអ្វីកើតឡើង”។
ពួកយើងកំពុងស្ថិតក្នុងដំណាក់កាលកំណត់អត្តសញ្ញាណរបស់ជនរងគ្រោះ ហើយវាអាចជាដំណើរការដ៏មានរយៈពេលយូរ។
ប៉ូលីសអង់គ្លេសកំពុងធ្វើកិច្ចការជាមួយនឹងដៃគូពាក់ព័ន្ធដើម្បីស៊ើបអង្កេត ហើយពួកគេជឿជាក់ថា រថយន្តធន់ធ្ងន់ខាងលើមកពីប្រទេសប៊ុលការី និងចូលប្រទេសអង់គ្លេសតាមច្រក Holyhead ប្រទេសវ៉េល៕
អត្ថបទប្រែសម្រួលដោយ៖ សុភ័ក្រ
ប្រភព៖ Xinhua
