បន្ទាយមានជ័យ ៖ កាលពីវេលាម៉ោង៧ មិង៣០នាទីយប់ថ្ងៃទី២៦ តុលា ២០១៩ មានករណីមន្ត្រីនគរបាលម្នាក់ បានសម្រេចចិត្តធ្វើអត្តឃាតបាញ់សម្លាប់ខ្លួនឯងស្លាប់ក្នុងថ្លុកឈាមគួរអោយអាសូរបង្ករការភ្ញាក់ផ្អើល ស្ថិតនៅក្នុងភូមិគោរដ្ឋាន សង្កាត់អូរអំបិល ក្រុងសិរីសោភ័ណ។
សពជនរងគ្រោះឈ្មោះ ប៊ូ រិទ្ធី ជាមេប៉ុស្តិ៍សង្កាត់ទឹកថ្លា ក្រុងសិរីសោភ័ណ អាយុ៣៥ឆ្នាំ រស់នៅភូមិ/ឃុំកើតហេតុខាងលើ។
មូលហេតុ: មានវិបត្តិក្នុងគ្រួសារ ដោយជនរងគ្រោះបានប្រើកាំភ្លើងខ្លីម៉ាក K54 បាញ់ក្បាលខ្លួនឯង។
បច្ចុប្បន្នសមត្ថកិច្ច បានទៅដល់កន្លែងកើតហេតុ ដើម្បីធ្វើកោសលវិច្ច័យ និងប្រគល់សពជូនក្រុមគ្រួសារចាត់ចែងធ្វើបុណ្យតាមប្រពៃណី៕ ដោយ៖កូឡាប
