ភ្នំពេញ៖ លោកហេង រតនា អគ្គនាយកស៊ីម៉ាក់ បានសរសេរសារលើហ្វេសប៊ុក កាលពីថ្ងៃទី២៨ខែតុលានេះថា ការប្រយុទ្ធគ្នារវាងកងទ័ពភូមា និងជនជាតិភាគតិច Rakhine ដោយមានការចាប់ជំរិតប៉ូលីសជាច្រើននាក់ផងដែរ។
លោកបានថ្លែងថា ការបែកបាក់សង្គមភូមា ជាមួយជនជាតិភាគតិច Rohingya ដែលមានជាង១លាននាក់ កំពុងរត់ភៀសខ្លួនជ្រកកោននៅប្រទេសបង់ក្លាដេស និងមានប្រមាណជាងកន្លះលាននាក់ កំពុងរស់នៅក្នុងរដ្ឋ Rakhine នេះ។
លោកបានបន្ថែមទៀតថា នេះជាសោកវិនាសកម្មធ្ងន់ធ្ងរមួយ នៃពិភពលោក និងក្នុងប្រទេសភូមា ដែលគ្មានដំណោះស្រាយច្បាស់លាស់នៅឡើយ។ នេះជាសមិទ្ធផលនៃជំលោះសង្គ្រាមស៊ីវិល ក្នុងប្រទេសភូមា ដែលស្ថិតនៅមិនឆ្ងាយប៉ុន្មានពីកម្ពុជា៕ ដោយ ៖ កូឡាប