ភ្នំពេញ តារាកំប្លែងក្នុងក្រុមនាយកុយ គឺនាយក្រិន ដែលបានបរាជ័យស្នេហ៍ទី១ ជាមួយក្រមុំនៅខេត្តកំពង់សោមនោះ បានភ្ជាប់ស្នេហ៍ជាមួយនារីម្នាក់រហូតបង្កើតបានកូន២នាក់ ប៉ុន្តែនៅពេលថ្មីៗនេះស្រាប់តែមានព័ត៌មានថា ភរិយាក្រោយរបស់នាយក្រិន បានផិតក្បត់ចោលប្តីនិងកូនៗទៅហើយ។
ដំណឹងពីការបែកបាក់គ្រួសារនេះ ត្រូវបាននាយក្រិយទម្លាយឲ្យដឹង តាមបណ្តាញសង្គមហ្វេសប៊ុកដែលបង្កឲ្យមានការភ្ញាក់ផ្អើលយ៉ាងខ្លាំង។
យ៉ាងណាគេមិនទាន់ដឹងទេថា មូលហេតុនៅពីក្រោយរឿងរ៉ាវនៃការបែកបាក់គ្រួសារពីតារាកំប្លែងមាឌល្អិតនេះដោយសារអ្វីនោះឡើយ។ ប៉ុន្តែតាមអ្វីដែលនាយ ក្រិន បង្ហោះសារដោយភ្ជាប់ជាមួយរូបកូនប្រុសទាំង២នោះ បញ្ជាក់យ៉ាងច្បាស់ពីការបែកបាក់ក្នុងរង្វង់គ្រួសារពីតារាកំប្លែងរូប។
នាយក្រិនបានសសេរបង្ហោះសារថា “ស៊ូនៅជាមួយប៉ា ស្រវ៉ា ឱបបង ម៉ាក់ជិតប៉ាម្តងហើយម្តងទៀត កូនជូនពរម៉ាក់សុខផ្លូវកាយ
”។ “ខ្ញុំយំព្រោះខឹង ម្តាយខ្លួនជាមនុស្ស អារម្មណ៍ជាសត្វ” ។
ដោយឡែក បើតាមប្រភពពីអ្នកដែលឧស្សាហ៍ចេញចូលផឹកស៊ីក្នុងហាងរបស់នាយក្រិន បានបង្ហើបប្រាប់ថា គាត់ឧស្សាហ៍ឃើញភរិយានាយក្រិន ស្និទ្ធស្នាលនឹងបុរសម្នាក់ជាអ្នករត់តុក្នុងហាងណាស់ពេលនាយក្រិន ចេញសម្តែងច្រៀងរាំបាត់ ជួនកាលថ្ងៃខ្លះឃើញភ្ញៀវចូលហាងហើយ មិនចេញមករាក់ទាក់ទៀតផង”។
អ្នកព័ត៌មានមិនទាន់អាចទាក់ទងនាយក្រិន ដើម្បីទម្លាយពីការបែកធ្លាយព័ត៌មានភរិយាប្រពន្ធផិតក្បត់នេះ បាននៅឡើយទេ៕ដោយ៖បញ្ញាស័ក្តិ