ខេត្តស្ទឹងត្រែង ៖ អគ្គនាយកដ្ឋានអន្ដោប្រវេសន៍ បានប្រកាសថា កម្លាំងនគរបាល ច្រកទ្វារអន្តរជាតិត្រពាំងក្រៀល នៅថ្ងៃទី១ ខែវិច្ឆិកា ឆ្នាំ២០១៩នេះ បានឆែកឆេរជនជាតិឥណ្ឌូណេស៊ីម្នាក់ នៅចំណុចមុខកន្លែង ប្រថាប់ត្រាចេញ-ចូលប្រទេស រកឃើញ ម៉្សៅក្រាមពណ៌សថ្លា ច្រកក្នុងប្រអប់កាដូ គ្រប់ប្រភេទចំនួន ២កញ្ចប់ធំ និង ២កញ្ចប់តូច ទម្ងន់ប្រហែលមួយគីឡូក្រាម សង្ស័យជា សារធាតុញៀន មេតំហ្វេតាមីន ម៉ាទឹកកក ។
ជនល្មើសជាជនជាតិឥណ្ឌូណេស៊ី មានឈ្មោះ ABUS ROHMAN ភេទប្រុស អាយុ ៣៤ឆ្នាំ ទីកន្លែងកំណើត ប្រទេសឥណ្ឌូណេស៊ី ។
ក្រោយពីធ្វើកំណត់ហេតុ សាកសួរបំភ្លឺរួច កម្លាំងនគរបាលប៉ុស្តិ៍ បានប្រគល់ជនសង្ស័យ ទៅឲ្យកម្លាំងនគរបាល ការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្តស្ទឹងត្រែង ៕ដោយ៖កូឡាប
