ភ្នំពេញ៖ អង្គភាពប្រឆាំងអំពើពុករលួយ និងអង្គការសហប្រជាជាតិ ទទួលបន្ទុកគ្រឿងញៀន និងឧក្រិដ្ឋកម្ម (UNODC) បានរួមគ្នារៀបចំអង្គរសិក្ខាសាលាបណ្តុះបណ្តាល ៖ មូលដ្ឋាន នៃការប្រមូលទ្រព្យសម្បត្តិគ្រប់មកវិញ រយៈពេល២ថ្ងៃ គឺថ្ងៃទី ៤-៥ ខែ វិច្ឆិកា ក្រុងភ្នំពេញ ប្រទេសកម្ពុជា។ ពិធីនេះធ្វើឡើង នៅព្រឹកថ្ងៃទី៤វិច្ឆិកា នៅទីស្តីការអង្គភាពប្រឆាំងអំពើពុករលួយ។
លោកឱម យ៉ិនទៀង ទេសរដ្ឋមន្រ្តី ប្រធានអង្គភាពប្រឆាំងអំពើពុករលួយ បានបញ្ជាក់ថា កម្ពុជាបាន ទទួលការវាយតម្លៃការអនុវត្តអនុញ្ញាអង្គការសហប្រជាជាតិប្រឆាំងអំពើពុករលួយ (UNCAC) ក្នុងជុំទី ២ ហើយការទទួលការមកត្រួតពិនិត្យដល់ប្រទេសកម្ពុជារបស់អ្នកជំនាញរបស់អង្គការសហប្រជាជាតិ និងប្រទេសចំនួន២ គឺប្រទេស អេស្វាទីនី និងប្រទេសថៃ កាលពីថ្ងៃទី៣០, ៣១ តុលា និង១ វិច្ឆិកា ២០១៩។ លទ្ធផលនៃការត្រួតពិនិត្យបានបង្ហាញថា
ពាក់ព័ន្ធនឹងការប្រឆាំងការសម្អាតប្រាក់ និងការបញ្ជូនមកវិញនូវផលនៃបទល្មើសដែលត្រូវបានរឹបអូស កម្ពុជាមានចំណុចខ្វះខាតមួយចំនួនដូចជា៖ ខ្វះច្បាប់ស្តីពីជំនួយផ្នែកច្បាប់ទៅវិញទៅ (MLA) និងការរឹបអូសផលនៃបទល្មើស ខ្វះច្បាប់ស្តីពីការគ្រប់គ្រង និងចាត់ចែងផលនៃបទល្មើស មិនទាន់មាននីតិវិធីច្បាស់លាស់ ក្នុងការអនុវត្តការការស្នើសុំបញ្ជូនទ្រព្យពាក់ព័ន្ធបទល្មើសទៅបរទេស ការយល់ដឹងពីការរឹបអូសផលនៃបទល្មើស និងការបញ្ជូនមកវិញ នូវផលនៃបទល្មើសដែលត្រូវរឹបអូសនៅមានកម្រិត ជាដើម។ បន្ថែមលើនេះ លោកទេសរដ្ឋមន្រ្តី សូមរំលឹកដែរថា កាលពីថ្ងៃទី ២២ ខែកុម្ភៈ ឆ្នាំ២០១៩ ក្រុមការងារហិរញ្ញវត្ថុ (Financial Action Task Foroe-FATF) បានដាក់កម្ពុជាក្នុងបញ្ជីប្រផេះជាផ្លូវការ និងបានដាក់អនុសាសន៍ និងផែនការសកម្មភាពមួយចំនួនសម្រាប់កម្ពុជាអនុវត្ត ដើម្បីឲ្យកម្ពុជាអាចចេញពីបញ្ជីប្រផេះវិញបានឆាប់ ហើយក្នុងផែនការសកម្មភាពនោះក៏បាន តម្រូវឲ្យកម្ពុជា អនុម័តច្បាប់ MLA បណ្តុះបណ្តាលពី MLAបណ្តុះបណ្តាលពីការបង្កក ការរឹបអូសផលនៃបទល្មើស និងការបង្កើនចំនួននៃការរឹបអូសផលនៃបទល្មើស ផងដែរ។ ហេតុនេះ ការងារបញ្ជូនមកវិញនូវផលនៃបទល្មើសដែលត្រូវបានរឹបអូស ជាការងារមួយដែលសំខាន់ ចាំបាច់ និងបន្ទាន់ ដែលតម្រូវឲ្យក្រសួង-ស្ថាប័នពាក់ព័ន្ធទាំងអស់សហការអនុវត្តភារកិច្ចតាមសមត្ថកិច្ចរបស់ខ្លួន ហើយកម្ពុជាមានការប្តេជ្ញាចិត្តក្នុងការងារប្រឆាំងការសម្អាតប្រាក់ និងហិរញ្ញប្បទានភេរវកម្ម។ ជាក់ស្ដែង រាជរដ្ឋាភិបាល បានចេញ ស.ជ.ណ, លេខ៣៣៨ សជណ.សច ចុះថ្ងៃទី ១៣ ខែមីនា ឆ្នាំ២០០៩ ដោយបញ្ជាក់ថា រាជរដ្ឋាភិបាលបានសម្រេចក្រសួង-ស្ថាប័នពាក់ព័ន្ធ ត្រូវខិតខំ អនុវត្តតាមផែនការសកម្មភាពរបស់ក្រុមការងារហិរញ្ញវត្ថុតាមកាលបរិច្ឆេទ ឲ្យបានទាន់ពេលវេលា និងប្រកបដោយប្រសិទ្ធភាពខ្ពស់ ក្រោមការទទួលខុសត្រូវរបស់ក្រសួង ស្ថាប័នរៀងៗខ្លួន។ ឆ្លើយតបនិងចំណុចនេះ អង្គភាពប្រឆាំងអំបើពុករលួយ ក៏ដូចជាក្រសួង ស្ថាប័នពាក់ព័ន្ធនានា បានដាក់ចេញ ផ្លូវផែនការសកម្មភាពរបស់ខ្លួនដើម្បីអនុវត្តនូវផែនការសកម្មភាពដែលកំណត់ដោយក្រុមរួមរបស់ APG និងផែនការសកម្មភាពដែលបានកំណត់ក្នុងយុទ្ធសាស្ត្រជាតិប្រឆាំងការសម្អាតប្រាក់ និងហិរញ្ញប្បទានភេរវកម្ម ឆ្នាំ២០១៩- ២០២៣។ បន្ថែមលើនេះទៀត កិច្ចប្រជុំនិងយន្តការជាច្រើន ត្រូវបានរៀបចំឡើង ក្នុងគោលបំណងពង្រឹងកិច្ចសហការ រវាងស្ថាប័នពាក់ព័ន្ធ ក៏ដូចជាត្រួតពិនិត្យ លើវឌ្ឍនភាពការងារ AML/CFT ។
លោកប្រធានអង្គភាព សូមរំលឹកថា ការងារប្រឆាំងការសម្អាតប្រាក់ និងហិរញ្ញប្បទានភេរវកម្ម (AML/CFT )នេះ ជាការ
ងារស្មុគស្មាញ មានការពាក់ព័ន្ធនិង ទិដ្ឋភាពបច្ចេកទេសផង និងទិដ្ឋភាពនយោបាយផង។ នៅតំបន់អាស៊ីប៉ាស៊ីហ្វិក APG ជាអ្នកត្រួតពិនិត្យលើកងារប្រឆាំងការសម្អាតប្រាក់ និងហិរញ្ញប្បទានភេរវកម្ម របស់ប្រទេសក្នុងតំបន់ រួចរាយការណ៍ទៅ FATE ។ ផ្អែកលើលទ្ធផលនៃការត្រួតពិនិត្យប្រទេសដែលមានក្របខ័ណ្ឌច្បាប់ គោលនយោបាយ ស្ថាប័ន និងលទ្ធផលនៃការងារ AML/CFTមិនល្អ និងត្រូវដាក់ចូលក្នុងបញ្ជីប្រផេះ ឬបញ្ជីខ្មៅ ដែលនឹងធ្វើឲ្យប៉ះពាល់ជាអវិជ្ជមានដល់កេរ្តិ៍ឈ្មោះប្រព័ន្ធហិរញ្ញវត្ថុ និងការអភិវឌ្ឍសេដ្ឋកិច្ចរបស់ប្រទេស។ ចំពោះកម្ពុជា ធ្លាប់ត្រូវបានវាយតម្លៃការអនុវត្ត AML/CFT ចំនួន ២ដង គឺនៅឆ្នាំ២០០៧ និង២០១៧។ លទ្ធផលនៃការវាយតម្លៃ ២០១៧រកឃើញថា ក្របខ័ណ្ឌគោលនយោបាយ ច្បាប់ ស្ដាប័ន និងការអនុវត្តរបស់កម្ពុជា នៅខ្វះខាត រួមមានការយល់ដឹងពីការងារសម្អាតប្រាក់ ការស៊ើបអង្កេត ការចោទប្រកាន់ ការកាត់ទោស ការរឹបអូសផលនៃបទល្មើស និងកិច្ចសហប្រតិបត្តិការជាតិ និងអន្តរជាតិ ហើយបានផ្តល់អនុសាសន៍សម្រាប់កម្ពុជា អនុវត្តដោយទុករយៈពេល១ឆ្នាំ ដើម្បីឲ្យកម្ពុជាអនុវត្តអនុសាសន៍ទាំងនោះ ដើម្បីធ្វើឲ្យប្រសើរឡើង នូវការងារ AML/CFT។ លទ្ធផលនៃការវាយតម្លៃបង្ហាញថា វិស័យមានហានិភ័យខ្ពស់ មាន ៤៖ វិស័យធនាគារ វិស័យផ្ទេរប្រាក់ វិស័យកាស៊ីណ្ឌ និងវិស័យអចលនទ្រព្យ ចំណែកឯ
សម្អាងនៃបទល្មើសដែលមានហានិភ័យខ្ពស់សម្រាប់ ML គឺបទល្មើសឆបោក ព្រៃឈើ និងសត្វព្រៃ ជួញដូរមនុស្ស គ្រឿងញៀន អំពើរត់ពន្ធ និងពុករលួយ។ កម្ពុជាបានខិតខំធ្វើការងារជាច្រើនរួមទាំងការបង្កើតក្រុមការងារ ការរៀបចំយុទ្ធសាស្ត្រ ការរៀបចំក្របខ័ណ្ឌច្បាប់ ការស៊ើបអង្កេត និងការចោទប្រកាន់ ជាដើម ក្នុងការងារ AML/CFT។ ដូច្នេះ សិក្ខាសាលានេះ ត្រូវបានធ្វើឡើងក្នុងគោលបំណងសំខាន់ៗ គឺ សារសំខាន់នៃដំណើរការ នៃការប្រមូលទ្រព្យសម្បត្តិត្រឡប់មកវិញ បញ្ហាបជាក់ស្តែងនៅក្នុងដំណើរការ នៃការចូលមកក៏ត្រឡប់មកវិញ មេរៀនដែលទទួលបានពីយន្តការត្រួតពិនិត្យ ការអនុវត្តអនុសញ្ញាអង្គការសហប្រជាជាតិ (UNCAC IRM) ជុំទី១ ពាក់ព័ន្ធ នឹងកិច្ចសហប្រតិបត្តិការអន្តរជាតិ និងផលប៉ះពាល់ដែលមេរៀនទាំងនេះ មានចំពោះការប្រមូលទ្រព្យសម្បត្តិត្រឡប់មកវិញ ។ សារសំខនៃការប្រើប្រាស់យន្តការជម្រើសចុងក្រោយ នៅក្នុងបរិបទនៃការប្រមូលទ្រព្យសម្បត្តិត្រឡប់មកវិញ និងគម្រូខុសៗគ្នាសម្រាប់ការគ្រប់គ្រង ការបញ្ជូនទ្រព្យសម្បត្តិមកវិញ និងការចាត់ចែងទ្រព្យសម្បត្តិ ។ កសាងសមត្ថភាពមន្ត្រីអនុវត្តច្បាប់ ចៅក្រម ព្រះរាជអាជ្ញា និងមន្ត្រីពាក់ព័ន្ធការប្រយុទ្ធប្រឆាំងអំពើពុករលួយ និង AM/CFT លើពិដ្ឋភាព នៃការការបញ្ជូនមកវិញ នូវផលនៃបទល្មើសដែលបានរឹបអូសទាំងក្នុង និងក្រៅប្រទេស ។ បង្កើតកិច្ចសហការគ្នា ទាំងក្នុងកម្រិតជាតិ និងអន្តរជាតិ។
លោកបានបន្ថែមទៀតថា សិក្ខាសាលានេះ នឹងជួយឲ្យកម្ពុជាទទួលបានពិន្ទុពី APG ពាក់ព័ន្ធ និងលទ្ធផលអនុវត្តជាក់ស្តែងទី ៨
(IOB) ដែលពាក់ព័ន្ធនឹងការចាប់យក ការបង្កក និងការរឹបអូសផលនៃបទល្មើស ព្រមទាំងជួយដល់ការបន្ត
អនុវត្តការងាររបស់កម្ពុជាពាក់ព័ន្ធ និងការបញ្ជូនមកវិញនូវផលនៃបទល្មើស ដែលបានរឹបអូសពិសេស លទ្ធផលនៃការត្រួតពិនិត្យការអនុវត្ត UNCAC ជុំទី២ (បញ្ហាប្រឈម ចំណុចខ្វះខាត ការអនុវត្តល្អៗនិងការងារបន្ត)។ ខ្ញុំសូមធ្វើការកត់សម្គាល់ថា នៅពេលបច្ចុប្បន្ននេះ កម្ពុជាមានផែនការសកម្មភាពចំនួន ២ ដែលត្រូវអនុវត្ត គឺ១.ផែនការសកម្មភាពដែលដាក់ឲ្យដោយក្រុមរួមរបស់ APG (APG Joint Group(AP.GJ)) និង២.ផែនការសកម្មភាពចែងក្នុងយុទ្ធសាស្ត្រជាតិប្រឆាំងការសម្អាតប្រាក់ និងហិរញ្ញប្បទានភេរវកម្ម ២០១៩-២០២០)៕ ដោយ៖កូឡាប