ភ្នំពេញ៖ បើតាមលោក សុខសុវណ្ណ វឌ្ឍនាសាប៊ុង ហៅ វិល្លាម បានឲ្យដឹងនៅថ្ងៃទី ៤ ខែ វិច្ឆិកា ឆ្នាំ ២០១៩ នេះ ថា សមាជិកឧត្តមក្រុមប្រឹក្សាពិគ្រោះ និងផ្ដល់យោបល់ ពីគណបក្សខ្មែរក្រោក បានធ្វើសវនាកាសិក្សា ជាមួយពលរដ្ឋម្ចាស់បណ្ដឹងចំនួន៣ករណី នៅទីស្នាក់ការកណ្ដាលប្រតិភូឧត្តមក្រុមប្រឹក្សា ដើម្បីស្រង់ព័ត៌មានរៀបចំកំណត់ហេតុ និងស្រាវជ្រាវស៊ើបអង្កេត ដើម្បីរៀបចំជារបាយការណ៍ដាក់ជូនសម្ដេចតេជោ។
ករណីទី១ ពលរដ្ឋ ៨ គ្រួសារ តំណាងដោយឈ្មោះ ផាត់ពៅស៊ាង នៅខណ្ឌឫស្សីកែវ រាជធានីភ្នំពេញ ប្ដឹងរដ្ឋបាលសាលាក្រុងភ្នំពេញ ដែលបានបំពានលើចំណារដ៏ខ្ពង់ខ្ពស់របស់សម្ដេចតេជោ និងបំពានការណែនាំរបស់ក្រសួងមហាផ្ទៃ ដើម្បីរំលោភយកដីពលរដ្ឋយកទៅលក់អាណាធិបតេយ្យ ។ ករណីលោកថា ករណីនេះ យើងខ្ញុំនឹងចុះសិក្សាផ្ទាល់ក្នុងពេលឆាប់ៗ ។
ករណីទី២ ពលរដ្ឋឈ្មោះ កែវ បូរិត នៅខណ្ឌសែនសុខ រាជធានីភ្នំពេញ ប្ដឹងរដ្ឋបាលសាលាក្រុងភ្នំពេញ ដែលអនុវត្តន៍ សជណ ដោយមានភាពមិនប្រក្រតី ។ករណីនេះ លោកថា ករណីនេះយើងខ្ញុំសិក្សាបន្ថែម ព្រោះឯកសាគតិយុត្តិមានការខ្វះខាត ។
ករណីទី៣ ពលរដ្ឋឈ្មោះ សាន់ លាភ នៅខណ្ឌទួលគោក រាជធានីភ្នំពេញ ប្ដឹង ចំពោះមន្ត្រីផ្កាយ១ និងមន្ត្រីផ្កាយដែលបានប្រកបអាជីវកម្មបិទផ្ទះគាត់ ។ ករណីនេះ លោកថា ករណីនេះ យើងខ្ញុំបានណែនាំឲ្យគាត់ប្ដឹងទៅអាជ្ញាធរមូលដ្ឋានជាមុនសិន ដោយជាទំនាស់បុគ្គលនិងបុគ្គល៕ ដោយ៖បញ្ញាស័ក្តិ