ប៉ៃលិន៖ អគ្គនាយកដ្ឋានអន្តោប្រវេសន៍ បានផ្សាយថា ប៉ុស្តិ៍នគរបាលច្រកទ្វារព្រំដែនអន្តរជាតិព្រំ នាវេលាម៉ោង ៩ព្រឹក ថ្ងៃទី៥ ខែវិច្ឆិកា ឆ្នាំ២០១៩ មានគណៈប្រតិភូ របស់អគ្គស្នងការដ្ឋាននគរបាលជាតិ និងថ្នាក់ដឹកនាំរបស់នាយកដ្ឋានច្រកទ្វារទី១ ដឹកនាំដោយលោក នាយឧត្តមសេនីយ៍ ម៉ក់ ជីតូ អគ្គស្នងការរងនគរបាលជាតិ តំណាងដ៏ខ្ពង់ខ្ពស់លោក នាយឧត្តមសេនីយ៍ នេត សាវឿន អគ្គស្នងការនគរបាលជាតិ និងប្រតិភូអមដំណើរជាច្រើនរូបទៀត បានអញ្ជើញមកត្រួតពិនិត្យ កងកម្លាំងចម្រុះជួរមុខ ដែលឈរជើងនៅក្នុងបរិវេណ ច្រកទ្វារព្រំដែនអន្តរជាតិព្រំ។
ក្នុងឱនោះដែរ លោកនាយឧត្តមសេនីយ៍ ម៉ក់ ជីតូ អគ្គស្នងការរងនគរបាលជាតិ បានអញ្ជើញមានមតិសំណេះសំណាល និងពាំនាំការសួរសុខទុក្ខ ពីសំណាក់ថ្នាក់ដឹកនាំ អគ្គស្នងការនគរបាលជាតិ ដល់កងកម្លាំងចម្រុះទាំងអស់ ដែលកំពុងឈរជើង តាមគោលដៅសំខាន់ៗ ដើម្បីការពារថែរក្សា សុខសន្តិភាព សណ្តាប់ធ្នាប់សង្គម។
លោកឧត្តមសេនីយ៍ទោ ស៊ឹម ចាន់ណាក់ អនុប្រធាននាយកដ្ឋានច្រកទ្វារទី១ តំណាងលោក ឧត្តមសេនីយ៍ឯក ជា ធា អគ្គនាយករង នៃអគ្គនាយកដ្ឋានអន្តោប្រវេសន៍ បានអញ្ជើញចុះត្រួតពិនិត្យគោលដៅច្រករបៀង ស្លាបឆ្វេង ស្លាបស្តាំ របស់ប៉ុស្តិ៍ដែលត្រូវបានបិទជាយូរមកហើយ៕ដោយ៖កូឡាប
