តាកែវ៖ អាជ្ញាធខេត្តមានគម្រោងអភិវឌ្ឍន៍ក្រុងដូនកែវ ដែលជាបេះដូងរបស់ខេត្ត ឲ្យកាន់តែស្រស់បំព្រងឡើង តាមរយៈការការជួសជុលហេដ្ឋារចនាសម្ព័ន្ធផ្លូវថ្នល់ ការដាក់លូនៅតាមបណ្ដោយផ្លូវក្នុងក្រុង និងគម្រោងជួសជុលសួនច្បារនៅក្នុងក្រុងផងដែរ។
ថ្លែងនៅក្នុងឱកាសអញ្ជើញអញ្ជើញបើកការដ្ឋានអ៊ុតកៅស៊ូប្រភេទ AC ផ្លូវក្រុងលេខ ២១ មានប្រវែង ១៣៤០ម៉ែត្រ ចាប់ពីផ្លូវបំបែកជាបួន ហ្គារ៉ាស់សាំងសូគីមិច ១មករា ស្ថិតនៅភូមិថ្នល់បែក ដល់ផ្លូវបំបែកជាបួន ទៅកំពង់ទូកក្រោម ស្ថិតនៅភូមិស្នោ សង្កាត់រកាក្រៅ ក្រុងដូនកែវ នៅព្រឹកថ្ងៃ អង្គារ ទី ៥ ខែ វិច្ឆិកា ឆ្នាំ ២០១៩ នេះលោកអភិបាលខេត្តតាកែវបានថ្លែងថា ក្រុងដូនកែវនាពេលបច្ចុប្បន្ននេះ មានការអភិវឌ្ឍន៍ខ្លាំងក្លាទាំងហេដ្ឋារចនាសម្ព័ន្ធផ្លូវថ្នល់ខ្វាត់ខ្វែង សំណង់អគារ ផ្ទះសំណាក់ សណ្ឋាគារ សួនច្បារ ដែលបង្កលក្ខណៈងាយស្រួលដល់ ការរស់នៅរបស់បងប្អូនប្រជាពលរដ្ឋ ក៏ដូចជាការប្រកបរបទទួលទាន ជាពិសេសបានធ្វើការទាក់ទាញភ្ញៀវទេសចរណ៍ជាតិ និងអន្តរជាតិ ឲ្យចូលមកកម្សាន្តនៅក្នុងខេត្តតាកែវ កាន់តែច្រើនឡើង។
លោកអភិបាលខេត្តតាកែវ អ៊ូច ភា បានមានប្រសាសន៍បន្តថា ខណៈពេលដែលក្រុងដូនកែវ កំពុងតែមានការអភិវឌ្ឍន៍ខ្លាំងក្លាបែបនេះ អាជ្ញាធខេត្តក៏បានធ្វើការផែនការជាច្រើន ដើម្បីឲ្យដំណើរការអភិវឌ្ឍន៍នេះមានចរិភាព តាមរយៈមែនការជួសជុលកែលម្អហេដ្ឋារចនាសម្ព័ន្ធក្នុងក្រុងដោយចាក់កៅស៊ូ ធ្វើការដាក់លូនៅអមសងខាងផ្លូវ ដើម្បីទប់ស្កាត់កុំឲ្យទឹកជន់លិចក្រុង ការដាក់បង្គោលភ្លើង នៅតាមផ្លូវសាធារណៈ និងធ្វើជួសជុលកែលម្អសួនច្បារ ដើម្បីបង្កភាពងាយស្រួលដល់បងប្អូនប្រជាពលរដ្ឋ មកដើរកម្សាន្តនិងធ្វើការហាត់ប្រាណ នៅពេលព្រឹកនិងនៅពេលរសៀល។
នៅក្នុងឱកាសនោះផងដែរ លោកអភិបាលខេត្តតាកែវ ក៏បានធ្វើការអំពាវនាវ ឲ្យបងប្អូនប្រជាពលរដ្ឋ មានការយោគយល់រាល់ការកកស្ទះចរាចរណ៍ ដោយសារតែគម្រោងជួសជុលផ្លូវ នៅក្នុងក្រុងនិងចូលរួមសហការជាមួយអាជ្ញាធរ ដោយកុំធ្វើការដាក់លក់ទំនិញ នៅតាមចញ្ចើមផ្លូវសាធារណៈ ដែលនាំឲ្យសោភ័ណភាពក្រុងគ្មានរបៀបរៀបរយ និងបាត់បង់សណ្ដាប់ធ្នាប់៕ដោយ៖តាកែវ