ប្រទេសចិនបានដាក់បម្រាមគោចរទៅលើអនិតិជន ដោយមិនឲ្យពួកគេលេងវីដេអូហ្គេមអនឡាញ លើសពីរយៈពេល ៣ម៉ោងឡើយក្នុងមួយថ្ងៃ។
បើតាមសេចក្តីប្រកាស កុមារអាយុក្រោម ១៨ឆ្នាំ មិនត្រូវបានអនុញ្ញាតឲ្យលេងហ្គេមអនឡាញ នៅចន្លោះម៉ោង ១០យប់ និង ម៉ោង ៨ព្រឹកឡើយ។ រដ្ឋាភិបាលក៏បានដាក់កំហិតឲ្យកុមារចិនទាំងអស់លេងហ្គេមបានតែត្រឹមរយៈពេល ៩០នាទីប៉ុណ្ណោះនៅថ្ងៃធម្មតា និងរយៈពេល ៣ម៉ោងនៅថ្ងៃចុងសប្តាហ៍ ឬថ្ងៃបុណ្យផ្សេងៗ។
វាគឺជាផ្នែកមួយនៃវិធានការរបស់ចិន ក្នុងការលុបបំបាត់ការញៀនលេងហ្គេមអនឡាញ ដោយមន្រ្តីចិនបាននិយាយថា ការញៀនលេងហ្គេមវាប៉ះពាល់ដល់សុខភាពខួរក្បាលរបស់កុមារ។
បើតាមសេចក្តីប្រកាសរបស់រដ្ឋាភិបាល បានឲ្យដឹងថា អ្នកលេងហ្គេមនៅចិន ដែលមានអាយុ ៨ ទៅ ១៨ឆ្នាំ បានចំណាយលុយប្រមាណ ២៩ដុល្លារ ក្នុងមួយខែ ខណៈអ្នកមានអាយុ ពី ១៦ទៅ ១៨ឆ្នាំ ចំណាយរហូតដល់ជិត ៦០ដុល្លារលើលើគណនេយ្យហ្គេមរបស់ពួកគេ។
ចិនគឺជាប្រទេសទីផ្សារហ្គេមអនឡាញធំបំផុតទី ២ នៅលើពិភពលោក បន្ទាប់ពីសហរដ្ឋអាមេរិច៕
អត្ថបទប្រែសម្រួលដោយ៖ សុភ័ក្រ
ប្រភព៖ BBC