ក្រុមផ្តាចខ្លួន បានសម្លាប់មនុស្សចំនួន ១៥នាក់ និងធ្វើឲ្យរបួស ៤នាក់នៅភាគខាងត្បូងប្រទេសថៃ ដែលនេះគឺជាការវាយប្រហារដ៏អាក្រក់បំផុត ក្នុងប្រទេសថៃ ក្នុងរយៈពេលប៉ុន្មានឆ្នាំចុងក្រោយនេះ។
ក្នុងចំណោមអ្នកស្លាប់ ក៏មានមន្រ្តីប៉ូលីសផងដែរ។ ការវាយប្រហារដោយក្រុមខ្មាំកាំភ្លើង ដែលគេសង្ស័យថា ជាក្រុមផ្តាច់ខ្លួន បានកើតឡើងនៅកន្លែងត្រួតពិនិត្យមួយ ស្ថិតក្នុងខេត្ត Yala។
ក្រុមឧក្រិដ្ឋជនបានប្រើប្រាស់គ្រឿងផ្ទុះ និងបានបាចដែកគោលនៅលើផ្លូវ ដើម្បីធ្វើឲ្យក្រុមនុស្សដែលដេញតាមពួកគេ មិនអាចធ្វើដំណើរបានលឿន។
ការវាយប្រហារនោះកើតឡើងនៅពេលយប់ថ្ងៃអង្គារ។ Yala គឺជាខេត្តមួយក្នុងចំណោមខេត្ត ៣ក្នុងតំបន់ភាគខាងត្បូងប្រទេសថៃ ដែលតែងតែមានអំពើហឹង្សា។
សូមបញ្ជាក់ថា មនុស្សរាប់ពាន់នាក់ត្រូវបានសម្លាប់ នៅភាគខាងត្បូងប្រទេសថៃ ចាប់តាំងពីក្រុមបំបែកខ្លួន កាន់កាប់តំបន់នោះក្នុងឆ្នាំ ២០០៤៕
អត្ថបទប្រែសម្រួលដោយ៖ សុភ័ក្រ
ប្រភព៖ BBC