ខេត្តព្រះសីហនុ៖ ប្រជាពលរដ្ឋចាម៥៥គ្រួសារ រស់នៅចំណុចតំបន់តាបិន ភូមិស្មាច់ដែង ឃុំរាម ស្រុកព្រៃនប់ ខេត្តព្រះសីហនុ ជួបជុំគ្នាហូបអំបុកថ្ងៃទី៩ វិច្ឆិកា ឆ្នាំ២០១៩ តាមប្រសាសន៍សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។
ចំណែក ថ្នាក់ដឹកនាំរដ្ឋបាលខេត្តព្រះសីហនុ ក៏បានដឹកនាំមន្ត្រីរាជការ កងកម្លាំងប្រដាប់អាវុធ ប្រជាពលរដ្ឋ លោកគ្រូ អ្នកគ្រូ សិស្សានុសិស្ស មហាជន ដើម្បីជួបជុំគ្នាពិសាអំបុកកម្ពុជាសន្តិភាព ៩ វិច្ឆិកា ២០១៩នេះដែរ។ ក្នុងនោះតំណាងព្រះសង្ឃក្នុងខេត្តក៏បាននិមន្តឆាន់អំបុកស្រូវថ្មី ដែលរៀបចំឡើងដោយ រដ្ឋបាលខេត្តព្រះសីហនុ ក្រោយបញ្ចប់កម្មវិធីជួបជុំអបអរសាទរ ខួបលើកទី៦៦ ទិវាបុណ្យឯករាជ្យជាតិ ទី៩ ខែវិច្ឆិកា ឆ្នាំ២០១៩៕ ដោយ៖ ដែន សីមា