ភ្នំពេញ៖ ស្ថានទូតបារាំងប្រចាំកម្ពុជា (Ambassade de France au Cambodge) បានប្រកាសព័ត៌មានលើផេកហ្វេសប៊ុកផ្លូវការថា
លោកស្រីឯកអគ្គរដ្ឋទូតបារាំង បានជួបពិភាក្សាជាមួយលោក កឹម សុខា កាលពីព្រឹកមិញ។
ស្ថានទូតបារាំងប្រចាំកម្ពុជា បានបញ្ជាក់ថា “សាលាដំបូងរាជធានីភ្នំពេញ បានប្រកាសនៅថ្ងៃអាទិត្យ ទី១០ ខែវិច្ឆិកា ពីការបន្ធូរបន្ថយលក្ខខណ្ឌ នៃការដាក់ឱ្យស្ថិតក្រោមការត្រួតពិនិត្យ តាមផ្លូវតុលាការចំពោះលោក កឹម សុខា ប្រធានគណបក្សសង្រ្គោះជាតិ ដែលជាគណបក្សប្រឆាំងធំជាងគេនៅកម្ពុជា ដែលត្រូវបានរំលាយកាលពីខែវិច្ឆិកា ឆ្នាំ២០១៧។ អំណឹះតទៅ លោកមានសេរីភាពក្នុងការធ្វើដំណើរគ្រប់ទីកន្លែងក្នុងប្រទេសកម្ពុជា”។
ប្រភពដដែល បានថ្លែងថា “នេះគឺជាកាយវិការវិជ្ជមានមួយ។ ប្រទេសបារាំងសង្ឃឹមថា លោកកឹម សុខា នឹងទទួលបាននីតិសម្បទាឡើងវិញ ក្នុងពេលឆាប់ៗខាងមុខ”។
លោក កឹម សុខា បានថ្លែងអំណរគុណដស់រដ្ឋាភិបាលសាធារណៈបារាំង ព្រឹទ្ធសភា-រដ្ឋសភា និងលោកស្រីឯកអគ្គរដ្ឋទូត ចំពោះការជួយគាំទ្រដល់ដំណើរការប្រជាធិបតេយ្យនៅកម្ពុជា និងការស្វែងរកដំណោះចំពោះសិទ្ធិសេរីភាពរបស់លោក៕ដោយ៖កូឡាប