ភ្នំពេញ៖ សម្តេចតេជោ នាយករដ្ឋមន្រ្តី បានថ្លែងសារលើហ្វេសប៊ុកផ្លូវថា ពិធីបុណ្យអុំទូកបានកន្លងផុតទៅអស់២ថ្ងៃហើយ សង្ឃឹមថាបងប្អូនជនរួមជាតិ និងកូនក្មួយយុវជន ព្រមទាំងទេសចរជាតិ និងអន្តរជាតិបានចូលរួមកម្សាន្តសប្បាយទាំងអស់គ្នានៅទូទាំងប្រទេស។ សូមកុំជឿពាក្យភូតកុហក់ដោយក្រុមបំពុលសង្គមមួយចំនួនតូច ដែលមិនចង់ឃើញពីការរីកចម្រើនរបស់ប្រទេសជាតិ។
សម្តេចតេជោ បានមានប្រសាសន៍ថា ថ្ងៃទី ១២ វិច្ឆិកានេះ ជាថ្ងៃចុងក្រោយ សូមអញ្ជើញបងប្អូនប្រជាពលរដ្ឋ នាំកូនចៅមកកម្សាន្តសប្បាយ នៅក្នុងព្រះរាជពិធីបុណ្យអុំទូកឲ្យបានច្រើនកុះករ។
ជាធម្មតាទៅហើយ ជាពិសេសនៅតាមបណ្តាខេត្តមួយចំនួន គឺលេចឮពាក្យចចាមអារាម និងពាក្យប្រឌិតភូតកុហក់បោកប្រាស់ ដោយជនអគតិ ដែលមានបំណងបំពុលនិងបំប៉ោងបញ្ហាសន្តិសុខសង្គម បំណងធ្វើឲ្យពលរដ្ឋភ័យខ្លាច។ រាជរដ្ឋាភិបាលសូមធានាជូននូវសន្តិសុខ ដល់បងប្អូនប្រជាពលរដ្ឋមិនឲ្យមានអ្វីកើតឡើងឡើយ ជាពិសេសក្នុងរដូវបុណ្យទាននេះតែម្តង។ សូមកុំជឿពាក្យភូតកុហក់ដោយក្រុមបំពុលសង្គមមួយចំនួនតូច ដែលមិនចង់ឃើញពីការរីកចម្រើនរបស់ប្រទេសជាតិ។
ខ្ញុំសូមជូនពរបងប្អូនប្រជាពលរដ្ឋ និងកូនក្មួយទាំងអស់ជួបតែសេចក្តីសុខ និងបានសប្បាយរីករាយនៅក្នុងថ្ងៃចុងក្រោយ នៃព្រះរាជពិធីបុណ្យអុំទូកថ្ងៃនេះ៕ដោយ៖កូឡាប