ភ្នំពេញ ៖ នារីជនជាតិចិនរូបស្រស់ម្នាក់ បានលោតពីលើជាន់ទី១២ នៃអគារខុនដូ BALI-2 មានកម្ពស់៣១ជាន់ បោកក្បាលស្លាប់ភ្លាមៗផ្កាប់មុខ ក្នុងថ្លុកឈាមមួយរំពេច ដោយមិនទាន់ដឹងមូលហេតុអ្វីនោះទេ។
កាលពីម៉ោងជិត២ទៀបភ្លឺ ឈានចូលថ្ងៃទី១៤ ខែវិច្ឆិកា ឆ្នាំ២០១៩នេះ នៅចំណុចអគារខុនដូ BALI No.2 Apartment កម្ពស់៣១ជាន់ លើផ្លូវឡើងស្ពានហង្សកោះពេជ្រ ស្ថិតក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ។
កម្លាំងសមត្ថកិច្ចប៉ុស្តិ៍ទន្លេបាសាក់ ចុះទៅកន្លែងកើតហេតុ រួចរាយការណ៍ប្រាប់សមត្ថកិច្ច មានទាំងនគរបាលខណ្ឌ និងកម្លាំងអាវុធហត្ថខណ្ឌ សហការជាមួយសមត្ថកិច្ចជំនាញកោសល្យវិច័យ ចុះត្រួតពិនិត្យមើល ។
ក្នុងករណីនេះ សមត្ថកិច្ចបាននាំបុរសជនជាតិចិន២នាក់ ទៅសាកសួរនៅស្នាក់ការប៉ុស្តិ៍ទន្លេបាសាក់ ក្នុងនោះមានម្នាក់ជាសង្សារនារីរងគ្រោះ៕ ដោយ៖កូឡាប