សម្តេចតេជោ បានថ្លែងថា មេខ្លោងរដ្ឋប្រហារនៅថ្ងៃទី ៩ វិច្ឆិកា ២០១៩ មិនបានសម្រេចមែន តែបានធ្វើឲ្យប្រជាពលរដ្ឋមួយចំនួន លង់ខ្លួនចាញ់បោកបានរត់ទៅពួនសម្ងំលាក់ខ្លួន នៅតាមខេត្តក្រុងនានាមួយចំនួន ដោយភ័យខ្លាចនិងតក់ស្លុត។ ហើយបងប្អូនមួយចំនួនទៀត ដោយសារការភ័យខ្លាច ក៏បានរត់គេចខ្លួនទៅក្រៅប្រទេស ដូចជាប្រទេសថៃ ហ្វីលីពីន ជាដើម។
នៅថ្ងៃទី ១៤ ខែ វិច្ឆិកា ២០១៩ ក្នុងពេលដែល សម្តេចតេជោ ហ៊ុន សែន អញ្ជើញមកសម្ពោធរោងចក្រផលិតស៊ីម៉ងត៍ ក្រុមហ៊ុន ថៃ ប៊ុនរ៉ុង នៅខេត្តកំពត សម្តេចតេជោ ហ៊ុន សែន នាយករដ្ឋមន្រ្តី បានអំពាវនាវដល់បងប្អូន ដែលបានចាញ់បោកមេខ្លោងធ្វើរដ្ឋប្រហារមិនបានសម្រេច សូមបងប្អូនវិលត្រឡប់មកកាន់ផ្ទះសម្បែង ជួបជុំប្រពន្ធកូនឡើងវិញ រាជរាជរដ្ឋាភិបាលមិនយកទោសពៃអ្វីឡើយ។ ទន្ទឹមនឹងនេះដែរ ក៏មានបងប្អូនមួយចំនួនទៀត មានដីការកោះខ្លួន ហើយមួយចំនួនទៀត ក៏ត្រូវបានចាប់បាននិងឃុំខ្លួនបណ្តោះអាសន្ន។
សម្តេចតេជោ ហ៊ុន សែន ក្នុងនាមជាប្រធាននីតិប្រតិបត្តិបានមានប្រសាសន៍ជម្រាបទៅ រដ្ឋមន្រ្តីក្រសួងយុត្តិធម៌គប្បីដក ឬលុបដីការកោះហៅ ដើម្បីឲ្យបងប្អូនបានវិលត្រឡប់មកផ្ទះវិញ៕ដោយ៖កូឡាប
