តាកែវ ៖ នីតិវិធីក្នុងការដេញថ្លៃលើគម្រោងអភិវឌ្ឍឃុំសង្កាត់យ៉ាងណាទៅវិញ ! បើការដាក់ដេញថ្លៃអភិវឌ្ឍឃុំចំនួនពីរ នៅឃុំបារស្រែ ស្រុកអង្គរបូរី ខេត្តតាកែវកាលពីថ្ងៃទី១៣ ខែវិច្ឆិកា ឆ្នាំ២០១៩ ធ្វើដូចបាយឡុកបាយឡទៅវិញ ហើយគណៈកម្មាធិការបច្ចេកទេស និងគណៈកម្មាធិការឃុំសង្កាត់ នៅតែទទួលយក បើសិនជាដឹងថា វាខុសទៅនិងច្បាប់នៃការដេញថ្លៃក៏ដោយ ។
ភាពចម្រោងចម្រាស់មួយបានកើតឡើងនៅពេលដែលក្រុមហ៊ុនដែលជាអ្នកទទួលការ ដាក់ពាក្យដេញថ្លៃ បានកើតមានឡើងបន្ទាប់ពីគណៈកម្មាធិការឃុំពន្លៃ ប្រកាសរាប់ចំនួន ២០លេខ ដើម្បីបិទបញ្ចប់ការទទួលពាក្យស្នើសុំដេញថ្លៃជាលើកទី ០២ ក្រោយពន្យាពេលចំនួន ១០នាទីម្តងរួចមកហើយពីអ្នកទទួលការលើគម្រោងអភិវឌ្ឍឃុំចំនួន ពីរ គឺឃុំពន្លៃ និងឃុំបារស្រែ ។ នៅរសៀលថ្ងៃទី១៣ នោះដែរ គឺគេឃើញមានក្រុមហ៊ុន នាំគ្នាបើកប៊ីត ដែលជាសំណៅឯកសារដាក់ពាក្យដេញថ្លៃ ដកចុះ ដកឡើង មើលមុខមើលក្រោយ នៅខាងមុខគណៈកម្មាធិការផ្ទាល់ ដែលចំណុចនេះវាផ្ទុយពីនីតិវិធីនៃការដាក់ពាក្យដេញថ្លៃរួចទៅហើយ តែទោះជាយ៉ាងណា ក្រុមការងារគណៈកម្មាធិការបច្ចេកទេស បានសួរទៅឃុំតើការធ្វើបែបនឹងតើលោកនៅទទួលយកដែរឬទេ បើវាខុសទៅនិងនីវិធីទៅហើយ ក្នុងពេលនោះឃុំបានឆ្លើយថា លោកទទួលយក និងទទួលខុសត្រូវ តែទោះជាយ៉ាងណាក្រុមការងារបច្ចេកទេស បានសុំអោយលោកមេឃុំធ្វើរបាយណ៏ការបញ្ជាក់មួយដើម្បីទទួលស្គាល់នៅសកម្មភាពដែលប្រែចាក ពីនីតិវិធីនេះ ។
សូមបញ្ជាក់ផងដែរថាក្នុងគម្រោងអភិវឌ្ឍឃុំចំនួន ២នោះ គឺឃុំបារស្រែលើកគម្រោងសាងសង់លូររំដោះទឹកជ្រុងមានប្រវែង ២៦៦ម៉ែត្រ ដែលដាក់ក្នុងតម្លៃប៉ាន់ស្មានជាថវិការចំនួន ៧៤,៦៩៩,៧៦៩រៀល ហើយមានក្រុមហ៊ុនដែលជាអ្នកទទួលការ ធ្វើការដាក់ពាក្យស្នើសុំមានចំនួន ៣ក្រុមហ៊ុន រួមមាន ទី០១ ក្រុមហ៊ុន រតនៈសំណង់ ដាក់ដេញថ្លៃចំនួន ៧១លានរៀលគត់ ទី០២ ក្រុមហ៊ុន ហ៊ឹម សៀន សំណង់ទូរទៅ ដាក់ដេញថ្លៃចំនួន ៧៣,១៥០,០០០រៀល និងក្រុមហ៊ុនទី ០៣ ក្រុមហ៊ុន ខែម ចន្ធី ដែលជាក្រុមហ៊ុនមួយទទួលបានក្នុងការដេញថ្លៃនេះ ដោយដាក់ដេញថ្លៃក្នុងចំនួន ទឹកប្រាក់ ៧០,៥០០,០០០រៀល ដែលចុះបានត្រឹម ៥ភាគរយ ដែលគៀកទៅនិងតម្លៃប៉ាន់ស្មាន ធ្វើអោយអ្នកចូលរួមក្នុងការដេញថ្លៃនោះសង្ស័យថា មានការត្រូវរូវគ្នាចែកលុយទឹកតែពីអ្នកទទួលការទាំងនោះ ។ ចំណែកឯឃុំពន្លៃ គឺបានលើកគម្រោងអភិវឌ្ឍសាងសង់លូររំដោះទឹក មានប្រវែង ២៩១ម៉ែត្រ ដែលដាក់ក្នុងតម្លៃប៉ាន់ស្មានចំនួន ៩៧,៤៨៨,៧៨៣រៀល ក្នុងនោះមានក្រុមហ៊ុនចំនួន ០៥ បានដាក់ពាក្យស្នើសុំដេញថ្លៃ ទី០១ ក្រុមហ៊ុន រតនៈសំណង់ ថវិការចំនួន ៩៤លានរៀលគត់ ទី០២ ក្រុមហ៊ុនសំណង់ហាប់ ហ៊ ថវិការចំនួន ៩២លាន៥សែនរៀលគត់ ទី០៣ ក្រុមហ៊ុន ហ៊ឹម សៀន ថវិការចំនួន ៩៦លានរៀលគត់ ទី០៤ ក្រុមហ៊ុន វ៉ាង សុខជា ដាក់ថវិការចំនួន ៨៧លាន៣សែនរៀលគត់ និងទី០៥ក្រុមហ៊ុន សំណង់ភូមិ១ ដាក់ថវិការចំនួន ៥៥លានរៀលគត់ តែក្រុមហ៊ុនទី៥នេះត្រូវបានច្រាលចោលដោយគ្មានសុពលភាព ដោយដាក់សំណើរចំនួន២ នេះបើតាមការសរសេបញ្ជាក់ពីមន្ត្រីបច្ចេកទេស ហើយក្រុមហ៊ុនដែលត្រូវទទួលស្គាល់ថាមានសុពលភាពនោះ គឺក្រុមហ៊ុន វ៉ាង សុខជា ដែលជាអ្នកតវ៉ា និងបង្ករអោយមានភាពចម្រោងចម្រាស់លើការរាប់លេខ បញ្ចប់រួចទៅហើយ តែមានក្រុមហ៊ុន១ទៀតអាចដាក់ពាក្យបាន ដោយក្នុងនោះរូបលោកបានស្នើសុំអោយបងប្អូនអ្នកកាសែតជួយពីនិត្យនិងតាមដានមើលតើវាត្រូវទៅនិងនីតិវិធីនៃការដាក់ដេញថ្លៃដែរឬអត់ ។ ជុំវិញការដាក់ដេញថ្លៃដូចបាយឡុកបាយឡរនៅឃុំបារស្រែនេះ យើងនៅមិនទាន់អាចសុំការបញ្ជាក់ពីលោកប្រធានផែនការវិនិយោគខេត្តតាកែវ ដើម្បីធ្វើការបញ្ជាក់អោយបានច្បាស់ថាគួរទទួលយកការដេញថ្លៃដែលខុសពីនីតិវិធីនេះ ឬក៏រំសាយចោលនៅឡើយទេ៕ ដោយ ៖ តាកែវ
