ខេត្តកណ្តាល៖ ហិង្សាក្នុងគ្រួសារមួយបានកើតឡើង រវាងកូន និងឳពុក ខណះដែលកូនមកពីផឹកស្រាស្រវឹងវិញ ហូបបាយ ហើយបោកចានចោល ត្រូវឳពុកស្តីបន្ទោសអោយ កូនខឹង ទាយកាំបិតកាប់របួសធ្ងន់។
បើតាមនគរបាលស្រុកខ្សាច់កណ្តាល ៖ ករណីអំពើហិង្សាក្នុងគ្រួសារនេះកើតហេតុថ្ងៃទី៩មករា២០១៨ វេលាម៉ោង ១៧ ចំណុចភូមិ ឈូក ឃុំសន្លុង ស្រុកខ្សាច់កណ្តាល ខេត្តកណ្តាល។
ជនរងគ្រោះឈ្មោះ កន ជេត ភេទ ប្រុស អាយុ ៧៥ ឆ្នាំ ជនជាតិ ខ្មែរ មុខរបរ កសិករ មានទីលំនៅភូមិឃុំកើតហេតុ ជាឪពុក។ជនសង្ស័យ ឈ្មោះ ជេត ចក្រា ភេទ ប្រុស អាយុ ២៦ ឆ្នាំ ជនជាតិ ខ្មែរ មុខរបរ មិនពិតប្រាកដ មានទីលំនៅភូមិឃុំកើតហេតុ ត្រូវឃាត់ខ្លួន ជាកូន។ វត្ថុតាងចាប់យក៖ កាំបិតបុ័ងតោចំនួន ១ អំពូលភ្លើងបែកចំនួន ១។
មុនពេលកើតហេតុជនសង្ស័យបានផឹកស្រាជាមួយមិត្តភក្កិឈ្មោះ ក្រឹម ភេទ ប្រុស អាយុ ៣០ ឆ្នាំ នៅភូមិឈូក ឃុំសន្លុង ផឹកស្រាសអស់ចំនួន កន្លះលីត្រ ក៏ដើរត្រឡប់មកផ្ទះ ដល់ម៉ោង ១៧ ថ្ងៃទី៩មករា២០១៨ ជនសង្ស័យអង្គុយហូបបាយ ពេលហូបរួចបានទាត់ចានចោល ឃើញដូចនោះជនរងគ្រោះ(ឪពុក)និយាយថា ឯងធ្វើអីអញ្ចឹង ភ្លាមនោះជនសង្ស័យ ស្ទុះយកកាំបិតបុ័តតោ កាប់ជនរងគ្រោះ ជនរងគ្រោះរត់ចេញពីផ្ទះឲ្យគេជួយ។ បន្ទាប់មកជនសង្ស័យបានកាប់អំពូលភ្លើងបែកអស់ចំនួន១។
ជនរងគ្រោះ បានមកប្តឹងនគរបាលប៉ុស្តិ៍សន្លុងកម្លាំងនគរបាលប៉ុស្តិ៍ចុះអន្តរាគមន៍ឃាត់ខ្លួនជនសង្ស័យបញ្ជួនមកអធិការដ្ឋាននគរបាលស្រុកខ្សាច់កណ្តាល បន្តចាត់ការតាមនីតិវិធី៕ ដោយ៖បញ្ញាស័ក្តិ
