ភ្នំពេញ៖ ស្ថានទូតចិនប្រចាំព្រះរាជាណាចក្រកម្ពុជា នៅថ្ងៃទី១៥ខែវិច្ឆិកានេះ បានផ្សាយព័ត៌មានថា តាមរបាយការណ៍តួលេខ របស់ក្រសួងទេសចរណ៍កម្ពុជា បានបង្ហាញក្នុងរយៈពេលប៉ុន្មានថ្ងៃនេះ បានបញ្ជាក់ឲ្យដឹងថា ក្នុងរយៈពេល៩ខែដើមឆ្នាំនេះ កម្ពុជាទាំងមូលទទួលភ្ញៀវទេសចរអន្តរជាតិ ចូលមកកម្សាន្តមានចំនួនលើសពី៤,៨១លាននាក់ កើនឡើង១០% បើធៀបនឹងរយៈពេលដូចគ្នាឆ្នាំ២០១៨។
ស្ថានទូតចិន បានបញ្ជាក់ថា ប្រទេសចិន ជាប្រទេសដែលបាននាំភ្ញៀវទេសចរច្រើនជាងគេ ក្នុងប្រទេសកម្ពុជា ភ្ញៀវទេសចរចិន មានចំនួនលើសពី១,៨៦លាននាក់ កើនឡើង២៩,៤% បើធៀបនឹងរយៈពេលដូចគ្នាឆ្នាំ២០១៨ និងមានចំនួន៣៨,៧% នៃចំនួនភ្ញៀវទេសចរអន្តរជាតិសរុប៕ ដោយ៖បញ្ញាស័ក្តិ