ខេត្តស្វាយរៀងៈ បុរសជាជនជាតិវៀតណាមម្នាក់ ត្រូវបានសមត្ថកិច្ចធ្វើការឃាត់ខ្លួន ខណៈដែលជនសង្ស័យរូបនោះ បានធ្វើសកម្មភាពលួចកាច់កម៉ូតូ ដែលហេតុការណ៍ខាងលើនេះ បានកើតឡើងកាលពីវេលាម៉ោង២០និង៣០នាទីយប់ នៅថ្ងៃទី១៤ ខែវិច្ឆិកា ឆ្នាំ២០១៩ នៅបន្ទប់ផ្ទះជួលដែលមានម្ចាស់ផ្ទះឈ្មោះ យូ យន់ ភេទប្រុស អាយុ៦៥ឆ្នាំ ស្ថិតក្នុងភូមិបាវិតកណ្ដាល សង្កាត់បាវិត ក្រុងបាវិត ខេត្តស្វាយរៀង ។
សមត្ថកិច្ចបានឱ្យដឹងថាៈ ជនសង្ស័យ ជនជាតិវៀតណាម ភេទប្រុស មិនស្គាល់ឈ្មោះ មិនស្គាល់ទីលំនៅ មូលហេតុជនសង្ស័យ មិននិយាយស្ដីធ្វើឆ្កួត បានធ្វើសកម្មភាពកាច់កម៉ូតូ ម៉ាកហុងដា សេ១២៥ ពណ៌ខ្មៅផ្លាកលេខកណ្ដាល1A-8785 កម្មសិទ្ធិរបស់ឈ្មោះសុខ វិរៈ ភេទ ប្រុស អាយុ២៧ឆ្នាំ ជនជាតិខ្មែរ មុខរបរបុគ្គលិកកាស៊ីណូ មានទីលំនៅភូមិអូតាគាំ១ ឃុំទួលតាឯក ស្រុកបាត់ដំបង ខេត្តបាត់ដំបង។ បច្ចុប្បន្នជនសង្ស័យ ឃាត់ខ្លួននៅប៉ុស្តិ៍នគរបាលរដ្ឋបាលបាវិត ដើម្បីបំពេញសំណុំរឿង ចាត់ការតាមនីតិវិធី៕ដោយ៖ វ៉ៃកូ
