ខេត្តស្វាយរៀងៈ មនុស្ស៣នាក់បានរងរបួសធ្ងន់និងស្រាល នៅក្នុងករណីគ្រោះថ្នាក់ចរាចរណ៍ រវាងម៉ូតូនិងម៉ូតូបុកគ្នា ក្នុងទិសដៅផ្ទុយគ្នា ដែលហេតុការណ៍នៃគ្រោះថ្នាក់ខាងលើនេះ បានកើតឡើងកាលពីវេលាម៉ោង ១០:២០ នាទីព្រឹកថ្ងៃទី១៥ខែវិច្ឆិកាឆ្នាំ២០១៩នេះ លើផ្លូវលេខ ២១៤ ស្ថិតក្នុងភូមិ ចុងព្រែក សង្កាត់ ស្វាយរៀង ក្រុង ស្វាយរៀង ។
សមត្ថកិច្ចបានឱ្យដឹងថាៈ ម៉ូតូ ទី១ ម៉ាក ហុងដាសេ ១២៥ ពណ៌ ខ្មៅ ពាក់ផ្លាកលេខ ស្វាយរៀង ១H ២៧១២ បើកបរដោយឈ្មោះ វិ ស៊ីណន់ ភេទ ប្រុស អាយុ ១៧ មុខរបរ សិស្ស រស់នៅភូមិ ចំបក់គុយ ឃុំ កំពង់ចំឡង ស្រុក ស្វាយជ្រំ ខេត្ត ស្វាយរៀង បើកបរពីត្បូងទៅជើង មិនពាក់មួកសុវត្ថិភាព អ្នកបើកបររងរបួសធ្ងន់ ម៉ូតូខូចខាតធ្ងន់ ។ ម៉ូតូ ទី២ ម៉ាកហុងដាសេ ១២៥ ពណ៌ ក្រហម ពាក់ផ្លាកលេខ ភ្នំពេញ ១CD ២៣២៦ បើកបរដោយឈ្មោះ ជុំ សុវណ្ណារិទ្ធិ ភេទ ប្រុស អាយុ ៤០ ឆ្នាំ មុខរបរ ជាងឡាន រស់នៅភូមិ ស្វាយ សង្កាត់ ចេក ក្រុង ស្វាយរៀង ខេត្ត ស្វាយរៀង បើកបរពីជើងទៅត្បូង ពាក់មួកសុវត្ថិភាព រងរបួសស្រាល ម៉ូតូខូចខាតធ្ងន់ ។ អ្នករួមដំណើរជាមួយឈ្មោះ ពុត សុផា ភេទ ប្រុស អាយុ ១៩ ឆ្នាំ មុខរបរ លក់ដូរ រសនៅភូមិ មេភ្លើង សង្កាត់ ស្វាយរៀង ក្រុង ស្វាយរៀង ខេត្ត ស្វាយរៀង មិនពាក់មួកសុវត្ថិភាព រងរបួសស្រាល ។ ហើយមូលហេតុអ្នកបើកបរម៉ូតូម៉ាក C១២៥ ពណ៌ខ្មៅ ផ្លាកលេខ ស្វរ ១H ២៧១២ មិនប្រកាន់ស្តាំ ។
ចំពោះមធ្យោបាយ ត្រូវបានយកមករក្សាទុក នៅអធិការក្រុងស្វាយរៀង ។ ដោយឡែកអ្នករបួស សម្រាកព្យាបាលនៅមន្ទីរពេទ្យខេត្តស្វាយរៀង ៕ដោយ៖ វ៉ៃកូ
