បន្ទាយមានជ័យ ៖ កម្ពុជា-ថៃជម្រុញបើកច្រក តំបន់ដែលនៅរាំរៃរាប់ឆ្នាំមិនទាន់បានដំណើរការនោះ ដើម្បីអោយពលេដ្ឋនៃខេត្តសម្ព័ន្ធមេត្រីភាព បន្ទាយមានជ័យ-ស្រះកែក៏ដូចជាប្រទេសទាំងពីរបានអាស្រ័យផល ដោះដូរកសិផល ទំនិញ និងចេញចូលទៅរកការងារធ្វើដោយស្របច្បាប់ វៀរកាឆ្លងដែលដោយខុសច្បាប់។
ការជម្រុញនេះបានលើកឡើងក្នុងកិច្ចប្រជុំ ខេត្តសម្ព័ន្ធមេត្រីភាព រវាងខេត្តបន្ទាយមានជ័យ ព្រះរាជាណាចក្រកម្ពុជានិង ខេត្តស្រះកែ ព្រះរាជាណាចក្រថៃ នារសៀលថ្ងៃ៩ មករា ២០១៨ នៅសាលាខេត្តបន្ទាយមានជ័យ ។
លោក សួន បវរ អភិបាលខេត្តបន្ទាយមានជ័យ បានលើកឡើងពីសក្ដានុពលរបស់ខេត្ត មានផ្ទៃដីកសិកម្មធំធេងប្រកបដោយជីវជាតិ ហើយវិស័យផ្សេងៗក៏កំពុងដំណើរការយ៉ាងរលូន ក្រោមគោលនយោបាយដឹកនាំរបស់សម្ដេចតេជោ ហ៊ុន សែន នាយករដ្ឋមន្ត្រី។
លោក សួន បវរ និយយាទៀតថា៖ សម្ព័ន្ធមេត្រីភាពនៃខេត្តទាំងពីរ បន្ទាយមានជ័យ-ស្រះកែវ រក្សាបាននិងគោរពយ៉ាងខ្ជាប់ខ្ជួន នូវឯកភាព អធិបតេយ្យភាព និងបូរណភាពទឹកដី និងមានទំនាក់ទំនងល្អលើគ្រប់វិស័យ មានវិស័យ ពាណិជ្ជកម្ម ឧស្សាហ៍កម្ម សិស្សាធិការ សុខាភិបាល ទេសចរណ៍ វប្បធម៏ កីឡាសាសនា ។ល។ធ្វើអោយតំបន់សន្តិភាព ទប់ស្កាត់បទល្មើសឆ្លងដែនខុសច្បាប់ ដូចជាការជួញដូមនុស្ស ការជួញដូរគ្រឿងញៀន ការរត់ពន្ធទំនិញខុសច្បាប់និងខូចគុណភាពជាដើម។ ម្យ៉ាងវិញទៀតខេត្តទាំងពីរកំពុងអនុវត្តរួមគ្នា ការដ្ថាបនាស្ពានរថភ្លើងនៅច្រកអន្តរជាតិប៉ោយប៉ែត រោងគ្លឿ និងស្ថាបនាស្ពានឆ្លងកាត់ព្រំដែនច្រកស្ទឹងបទ ណងអៀន។
លោក ផនផុច ផេតផាត អភិបាលខេត្តស្រះកែវ និយាយថា ៖ នេះជាជំនួបលើកទីបួនហើយ ហើយកិច្ចពិភាក្សាលើកនេះ ខេត្តស្រះកែវទទួលស្គាល់ នូវប័ណ្ណព្រំដែនគំរូថ្មី ដែលចេញពីរដ្ឋបាលខេត្តបន្ទាយមានជ័យដែលពីមុនធ្វើឡើងពីនគបាលអន្ថោប្រវេសន៍។ហើយបន្តកិច្ចសហប្រតិបត្តកាល្អរវាងខេត្តសម្ព័ន្ធមេត្រីភាពទាំងពីរ បន្ទាយមានជ័យ-ស្រះកែវអោយរឹកតែប្រដើរថែមទៀត។
លទ្ធផលកិច្ចប្រជុំ ជម្រុញ៤ចំខាន់ក្នុងនោះ ៖ ១-រដ្ឋបាលខេត្តស្រះកែវទទួលស្គាល់ជាផ្លូវការប័ណ្ណព្រំដែនថ្មី(BorderPass) ដែលទើបចេញដោយអាជ្ញាធរដែនដី ជំនួសដែលចេញដោយនគរបាលអន្តោប្រវេសន៍ ២- សហប្រតិបត្តការល្អស្ថាបនាស្ពានឆ្លងព្រំដែនស្ទឹងបត់ ភូមិស្ទឹងបត សង្កាត់ក្រុងប៉ោយប៉ែត ខេត្តបន្ទាយមានជ័យ ឈមភូមិណងអៀន ស្រុកអរញ្ញខេត្តស្រះកែវ ដែលកំពុងស្ថាបនា ។៣- ពន្លឿនការបើកច្រកតំបន់ពីរទៀត ក -ច្រកតំបន់សីមា៤៣ ភូមិព្រៃចាន់ ឃុំអូបីជាន់ ស្រុកអូរជ្រៅខេត្តបន្ទាយមានជ័យ ឈមនឹងភូមិ/ឃុំណូនម៉ាក់មុន ស្រុកគោកធ្យូងខេត្តស្រះកែវ ប្រទេសថៃ និងខ-ច្រកអូរនាង ភូមិព្រៃគប់ សង្កាត់ក្រុងប៉ោយប៉ែត ឈមនិងភូមិប៉ារ៉ៃ ស្រុកអារញ្ញ ខេត្តស្រះកែវ។ និង៤- សហប្រតិបត្តិការបន្តបើកច្រកព្រំដែនអន្តរជាតិភននំដីស្រុកសំពៅលូនខេត្តបាត់ដំបង-ច្រកខាងឌិន ស្រុកអារញ្ញាខេត្តស្រះកែវ៕ ដោយ ៖ បន្ទាយ
