ភ្នំពេញ៖ រដ្ឋបាលរាជធានីភ្នំពេញបាននឹងកំពុងធ្វើសកម្មភាពចាក់ក់ដីខ្សាច់ជម្រៅ៥ទៅ៦ម៉ែត្រ នៅលើប្រឡាយស្ទឹងមានជ័យ ដើម្បីរៀបចំ ពុះបែងចែកដីឡូតិ៍ជូនប្រជាពលរដ្ឋ ៥៧២គ្រួសារ ដែលពួកគាត់បានស្ម័គ្រចិត្តចូលរួមសហការជាមួយរដ្ឋបាលរាជធានីភ្នំពេញ ដោយរុះរើផ្ទះសំបែងចេញពីមាត់ប្រឡាយ ដើម្បីធ្វើការអភិវឌ្ឃនោះ។
មន្ត្រីរដ្ឋបាលរាជធានីភ្នំពេញបានអោយដឹងថា ប្រឡាយស្ទឹងមានជ័យ យើងបានកាយសំរាមចេញ ដែលសម្រាមទាំងនោះបានគរលើគ្នាមានកម្រាស់ រហូតដល់៣ម៉ែត្រ ហើយត្រូវបានចាក់បំពេញដោយដីខ្សាច់កម្រាស់ពី ៥ម៉ែត្រ ទៅ ៦ម៉ែត្រ ដើម្បីរៀបចំពុះបែងចែកដីឡូតិ៍ជូនប្រជាពលរដ្ឋ ៥៧២គ្រួសារអភិវឌ្ឍន៍នៅនឹងកន្លែង ក្រោយពីសល់ពីការសាងសង់ប្រឡាយ និងចាក់បេតុងធ្វើការអភិវឌ្ឍរួច។
គួរបញ្ជាក់ថាប្រឡាយស្ទឹងមានជ័យ ដែលរដ្ឋបាលរាជធានីភ្នំពេញគ្រោងនឹងធ្វើការអភិវឌ្ឍនេះមានប្រវែង១៣៥០ម៉ែត្រ ដោយឆ្លងកាត់ខណ្ឌចំនួន២ នោះគឺខណ្ឌមានជ័យនិងខណ្ឌសែន សុខ ដែលមានប្រជាពលរដ្ឋរស់នៅនិងរងផលប៉ះពាល់ប្រឡាយនេះចំនួន៥៧២គ្រួសារ ហើយប្រជាពលរដ្ឋទាំងអស់នេះនឹងទទួលបានដីទំហំ៤គុណនិង៦ម៉ែត្រជាកម្មសិទ្ធិស្របច្បាប់នៅហ្នឹងកន្លែងតែម្តង។
ប្រឡាយស្ទឹងមានជ័យគ្រោងនឹងសាងសង់ឡើង ដោយបុកស៊ីផាយដូចនៅប្រឡាយបាក់ទូកដែរ ដោយត្រូវធ្វើផ្លូវ៦ម៉ែត្រជាប្រភេទផ្លូវបេតុង រៀបចំតបណ្តាញទឹក ភ្លើងអគ្គីសនីចូលផ្ទះប្រជាពលរដ្ឋ ដាក់បង្កោលភ្លើងសាធារណៈនៅលើផ្លូវនេះថែមទៀត ។ ប្រឡាយស្ទឹងមានជ័យនេះបានដើរតួយ៉ាងសំខាន់ ក្នុងការនាំទឹកទំលាក់ចូលទៅបឹងទំពុន ជាគម្រោងតួប្រឡាយស្ទឹងមានជ័យមានទំហំ៨ម៉ែត្រ
ចិញ្វើម២ ម៉ែត្រ សាងសង់ផ្លូវបេតុងទទឹង៦ម៉ែត្រ ផ្លូវមុខផ្ទះ៥ម៉ែត្រ ដីនៅសល់មុខផ្ទះ១ម៉ែត្រកន្លះនិងក្រោយផ្ទះកន្លះម៉ែត្រ៕ ដោយ៖កូឡាប
