ភ្នំពេញ៖ អគ្គនាយកដ្ឋានពន្ធនាគារ បានរៀបចំពិធីប្រគល់-ទទួល ពន្ធនាគារព្រៃសគម្រោងថ្មី រវាងអគ្គនាយកដ្ឋានភស្តុភារ និងហិរញ្ញវត្ថុ ជាមួយអគ្គនាយកដ្ឋានពន្ធនាគារ។
ពន្ធនាគារព្រៃសគម្រោងថ្មីស្ថិតនៅ ភូមិកំរៀង សង្កាត់ព្រៃវែង ខណ្ឌដង្កោ រាជធានីភ្នំពេញ ដែលបានសាងសង់ដោយក្រុមហ៊ុន គន្ធ រីខុន ហូលឌីង ដែលបានទទួលសិទ្ធិសាងសង់ប្រគល់ជូនក្រសួងមហាផ្ទៃ បានធ្វើពិធីប្រគល់-ទទួល ជូនអគ្គនាយកដ្ឋានភស្តុភារ និងហិរញ្ញវត្ថុ។
ក្នុងនោះដែរ បន្ទាប់ពីអគ្គនាយកដ្ឋានពន្ធនាគារបានទទួលអគារថ្មី ពីអគ្គនាយកដ្ឋានភស្តុភារ និងហិរញ្ញវត្ថុរួចមក តំណាងដ៏ខ្ពង់ខ្ពស់ លោក សន្តិបណ្ឌិត ចាន់ គីមសេង អគ្គនាយក នៃអគ្គនាយកដ្ឋានពន្ធនាគារ លោក ឧត្តមអគ្គានុរក្សថ្នាក់លេខ១ ឈន សាណាត ក៏បានរៀបចំពិធី ប្រគល់-ទទួល ឲ្យពន្ធនាគាររាជធានីភ្នំពេញ ដើម្បីយកប្រើប្រាស់បន្ត។
ពីធីនេះក៏មានការអញ្ជើញចូលរួមពីថ្នាក់ដឹកនាំ ក្រសួងមហាផ្ទៃជាច្រើនរូបផងដែរ ថ្ងៃសុក្រទី១៥ ខែវិច្ឆិកា ឆ្នាំ២០១៩៕ដោយ៖កូឡាប
