ខេត្តស្វាយរៀង៖ វេលាម៉ោង ១៦និង១០នាទី ថ្ងៃទី ១៥ ខែវិច្ឆិកា ឆ្នាំ២០១៩ កម្លាំងមូលដ្ឋានកងរាជអាវុធហត្ថក្រុងបាវិត ដឹកនាំដោយលោក វរសេនីយ៍ទោ ខាំ ណាន មេបញ្ជាការ មូលដ្ឋានកងរាជអាវុធហត្ថក្រុងបាវិត បានចុះបង្ក្រាបករណីរក្សាទុក ឬជួញដូរដោយខុសច្បាប់នូវសាធាតុញៀន នៅចំណុចភូមិព្រៃធំ សង្កាត់ព្រៃអង្គុយ ក្រុងបាវិត ខេត្តស្វាយរៀង ឃាត់ខ្លួនជនសង្ស័យចំនួន ០១ នាក់។
សមត្ថកិច្ចបានឱ្យដឹងថា ៖ ទី១.ឈ្មោះ អ៊ែល ស្រីពៅ ភេទស្រី អាយុ ២៣ ឆ្នាំ ជនជាតិខ្មែរ មុខរបររត់តុហាងចិន មានទីលំនៅភូមិកក់ ឃុំស្វាយរំពារ ស្រុកស្វាយទាប ខេត្តស្វាយរៀង ។ វត្ថុតាងរួមមាន៖ ១.ម្ស៉ៅក្រាមពណ៌សថ្លា ចំនួន ០២ កញ្ចប់ ។ ២.ទូរសព្ទចំនួន ០២ គ្រឿង ។ ៣.ម៉ូតូចំនួន ០១ គ្រឿង ម៉ាកNEX ពណ៌ខ្មៅ ពាក់ស្លាកលេខ ស្វាយរៀង1k 7660
ក្រោយពីមន្ត្រីនគរបាលយុត្តិធម៌កងរាជអាវុធហត្ថសាកសួរឈ្មោះ អ៊ែល ស្រីពៅ បានសាកភាពប្រាប់មន្ត្រីនគបាលយុត្តិធម៌ថា៖ ខ្លួនបានទិញថ្នាំញៀនពីបុរស់ម្នាក់មានមាឌធំ សំបុរស នៅក្រុងស្វាយរៀងកាន់លេខទូរសព្ទលេខ ០៩៧ ៣៧៣៤៧៩២ ។
ដោយបានការអនុញ្ញាត្តពីលោក គង់ ច័ន្ទខេមរិទ្ធ ព្រះរាជអាជ្ញានៃអយ្យការអមសាលាដំបូងខេត្តស្វាយរៀង (អោយជំនួយការរបស់ខ្លួនចូលរួម)។
ក្រោមបញ្ជាផ្ទាល់លោកឧត្តមសេនីយ៍ត្រី សែ វុទ្ធី មេបញ្ជាការ កងរាជអាវុធហត្ថខេត្តស្វាយរៀង។ រហូតដល់ម៉ោង ១៦និង១០ នាទីថ្ងៃទី១៥ ខែវិច្ឆិកា ឆ្នាំ២០១៩ កម្លាំងមន្ទីរយុត្តិធម៌កងរាជអាវុធហត្ថខេត្ត កម្លាំងមូលដ្ឋានកងរាអាវុធហត្ថក្រុងបាវិត
និងកម្លាំងមូលដ្ឋានកងរាជអាវុធហត្ថក្រុងស្វាយរៀង ដឹកនាំដោយលោកវរសេនីយ័ទោ យ័ន្ត សេង នាយរងសេនាធិការចុះប្រត្តិបត្តការបង្ក្រាបករណីរក្សាទុក ឬជួញដូរដោយខុសច្បាប់នូវសាធារតុញៀន នៅចំណុចផ្ទះជួលរបស់ឈ្មោះ សុខ សេន ភេទប្រុស ធ្វើការឃាត់ខ្លួនជនសង្ស័យចំនួន ០៣ នាក់ ៖ ទី១.ឈ្មោះ ឡេង ផល្លា ភេទប្រុស អាយុ ៣៣ ឆ្នាំ មានទីលំនៅភូមិចុងព្រែក សង្កាត់ស្វាយរៀង ក្រុងស្វាយរៀង ខេត្តស្វាយរៀង ។ ទី២.ឈ្មោះ សំ ស៊ីណាត ភេទប្រុស អាយុ ៣៨ ឆ្នាំមុខរបរយោធា មានទីលំនៅភូមិប្រសូត្រ ឃុំកណ្តៀងរាយ ស្រុកស្វាយទាប ខេត្តស្វាយរៀង ។ ៣.ឈ្មោះ ហ័រ រាង ភេទប្រុស អាយុ ៣៩ ឆ្នាំមានទីលំនៅភូមិគោកល្វៀង សង្កាត់ព្រៃអង្គុញ ក្រុងបាវិត ខេត្តស្វាយរៀង ។
+វត្ថុតាងសរុបរួមមាន៖ ១.ម្ស៉ៅក្រាមពណ៌សថ្លា ចំនួន ១៦ កញ្ចប់មានទម្ងន់ ៤១.៣១ ក្រាម (គិតទាំងសំបកវិចខ្ចប់) ។ ២.ថ្នាំគ្រាប់ពណ៌ផ្កាឈូកចំនួន ០៩ គ្រាប់ មានទម្ងន់ ៥.៤៣ ក្រាម (គិតទាំងសំបកវិចខ្ចប់) ។ ៣.ទូរសព្ទចំនួន ១១ គ្រឿង ។ ៤.ម៉ូតូចំនួន ០៣ គ្រឿង ។ ៥.ប្រាក់រៀលចំនួន ៣៩៦៥០០ រៀល ។ ៦.ប្រាក់ដុល្លារចំនួន ០១ ដុល្លារ ។ ៧.កាតវីងចំនួន ០១ សន្លឹក ។ ៨.ជញ្ជីងសម្រាប់ថ្លឹងគ្រឿងញៀនចំនួន ០១ គ្រឿង ។ ៩.លោហធាតុពណ៌លឿងចំនួន ០១ ខ្សែ ។ ១០.ថងសម្រាប់ច្រកគ្រឿងញៀនមួយចំនួន ។ ១១.សម្ភារៈប្រើប្រាស់គ្រឿងញៀនមួយចំនួនទៀត។
បច្ចុប្បន្ន ជនសង្ស័យ និងវត្ថុតាង កម្លាំងជំនាញកសាងសំណុំរឿងបញ្ជួនទៅតុលាការ ៕ ដោយ ៖ វ៉ៃកូ