ខេត្តស្វាយរៀងៈ បុរសម្នាក់ដែលគេស្គាល់ថា មានតួនាទីជាប្រជាការពារភូមិ បានស្លាប់់ និងស្ត្រីរួមដំណើរ បានរងរបួសនៅក្នុងករណីគ្រោះចរាចរណ៍ រវាងរថយន្តដឹកដីនិងម៉ូតូ នៅក្រុងស្វាយរៀង។ ហេតុការណ៏នៃគ្រោះថ្នាក់ចរាចរណ៍ខាងលើនេះ បានកើតឡើងកាលពីវេលាម៉ោង១២និង ៣០នាទីថ្ងៃត្រង់ថ្ងៃទី ១៨ ខែ វិច្ឆិកា ឆ្នាំ ២០១៩ មានករណីគ្រោះថ្នាក់ចរាចរណ៍មួយកើតឡើង រវាង រថយន្ដ និង ម៉ូតូ ( ទិសដៅផ្ទុយគ្នា ) លើផ្លូវជាតិលេខ ១ ចន្លោះគីឡូម៉ែត្រលេខ ១២៩/១៣០ ស្ថិតក្នុងភូមិ ថ្មី សង្កាត់ សង្ឃ័រ ក្រុង ស្វាយរៀង ។
ប្រភពដដែលបានបន្តថាៈ រថយន្ដបង្កប្រភេទបែនម៉ាកហីយ៉ាន់ដាយ ពណ៌ ទឹកប្រាក់ គ្មានផ្លាកលេខ បើកបរដោយឈ្មោះ សំ ទិត្យរ៉ានី ភេទ ប្រុស អាយុ ២៩ មុខរបរ បើកបរ រស់នៅភូមិ ព្រះទន្លេ សង្កាត់ សង្ឃ័រ ក្រុង ស្វាយរៀង ខេត្ត ស្វាយរៀង បើកបរពីលិចទៅកើត អ្នកបើកបររត់គេចពីកន្លែងកើតហេតុ រថយន្ដខូចខាតស្រាល ។ ម៉ូតូជនរងគ្រោះម៉ាក ហុងដាសេ ១២៥ ពណ៌ ខ្មៅ ពាក់ផ្លាកលេខ ព្រះសីហនុ ១C ៦៧៩១ បើកបរដោយឈ្មោះ យស់ ប្រាក់ ភេទ ប្រុស អាយុ ៥៥ ឆ្នាំ មុខរបរ ប្រជាការពារភូមិសំបួរ រស់នៅភូមិ សំបួរ ឃុំ សំបួរ ស្រុក ស្វាយទាប ខេត្ត ស្វាយរៀង បើកបរពីកើតទៅលិច មិនពាក់មួកសុវត្ថិភាព ( ស្លាប់នៅកន្លែងកើតហេតុ ) ម៉ូតូខូចខាតធ្ងន់ ។
ប្រភខាងលើបានបន្ថែមថាៈ អ្នករួមដំណើរឈ្មោះ នាង សន ភេទ ស្រី អាយុ ៥៣ ឆ្នាំ មុខរបរ កសិករ រសនៅភូមិឃុំជាមួយគ្នា ពាក់មួកសុវត្ថិភាព រងរបួសធ្ងន់ ។ មូលហេតុកំពុងស៊ើបអង្កេត។ ចំពោះមធ្យោបាយរក្សាទុកនៅការិយាល័យចរាចរណ៍ខេត្តស្វាយរៀង ។ ដោយឡែកអ្នករបួសសម្រាកព្យាបាលនៅមន្ទីរពេទ្យខេត្តស្វាយរៀង៕ដោយ៖ វ៉ៃកូ