ខេត្តស្វាយរៀងៈ បុរសម្នាក់ដែលគេអះអាងថាស្រវឹងស្រា បានស្លាប់ ក្រោយពេលដែលបុរសរងគ្រោះ បានទៅដេញក្របីកាត់ព្រែក ហើយបានលង់ទឹកស្លាប់។
សមត្ថកិច្ចបានឱ្យដឹងថាៈ ហេតុការណ៍ខាងលើនេះបានកើតឡើង កាលពីថ្ងៃទី១៦ ខែវិច្ឆិកា ឆ្នាំ២០១៩ វេលម៉ោង១៨និង៣០ ព្រលប់។ ប៉ុស្តិ៍នគរបាលរដ្ឋបាលកំពង់ចំឡង បានទទួលព័ត៌មានពីប្រជាពលរដ្ឋថា មានឈ្មោះកែវ ណុល អាយុ៦១ឆ្នាំ នៅភូមិតាស្អាង ឃុំកំពង់ចំឡង ស្រុកស្វាយជ្រំ ផឹកស្រាស្រវឹង បានទៅដេញក្របីកាត់ព្រែកតាស្អាង ស្ថិតនៅភូមិតាស្អាង ឃុំកំពង់ចំឡង ស្រុកស្វាយជ្រំ ខេត្តស្វាយរៀង លង់ទឹកព្រែកបណ្តាលឱ្យស្លាប់។
ប្រភពដដែលបានបន្តថាៈ ពេលទទួលព័័័ត៌មានបានកម្លាំងជំនាញស្រុក និងប៉ុស្តិ៍រដ្ឋបាលកំពង់ចំឡង និងប្រជាពលរដ្ឋបានចុះទៅដល់កន្លែងកើតហេតុ រករហូតដល់ថ្ងៃទី១៧ ខែវិច្ឆិកា ឆ្នាំ២០១៩ វេលាម៉ោង១១និង៣០នាទីព្រឹក ទើបរកឃើញសាកសពស្លាប់អណ្តែតក្នុងទឹកព្រែកតាស្អាង។ តាមពិនិត្យរបស់សត្ថកិច្ច និងឆ្លងតាមការពិនិត្យរបស់គ្រូពេទ្យ បានសន្និដ្ឋានទៅលើសាកសពឈ្មោះកែវ ណុល ពិតជាស្រវឹងស្រា ហើយបានហែលទឹកព្រែក ទៅមើលក្របី តែហែលមិនរួច ក៏លង់ទឹកព្រែកស្លាប់ពិតមែន។
បច្ចុប្បន្នសាកសពជនរងគ្រោះ សមត្ថកិច្ចបានប្រគល់ជូនគ្រួសារ យកទៅធ្វើបុណ្យតាមប្រពៃណី៕ដោយ៖ វ៉ៃកូ
