ខេត្តស្វាយរៀងៈ មនុស្ស៣នាក់សុទ្ធសឹងជាបុរសបានរងរបួសធ្ងន់ដោយសារគ្រោះថ្នាក់ចរាចរណ៍ រវាងម៉ូតូនិងម៉ូតូ ដែលអ្នករងគ្រោះសុទ្ធតែមិនពាក់ពួកសុវត្ថិភាព។
សមត្ថកិច្ចបានឱ្យដឹងថាៈ ហេតុការណ៍នៃគ្រោះថ្នាក់ចរាចរណ៍ខាងលើនេះ បានកើតឡើងកាលពីវេលាម៉ោង 18 និង 30 នាទីព្រលប់នៅថ្ងៃទី 18 វិច្ឆិកាឆ្នាំ 2019 នេះនៅលើផ្លូវប្រឡាយជីកស្ថិតក្នុង ភូមិត្រពាំងថ្កូវ ឃុំពងទឹក ស្រុករំដួល ខេត្តស្វាយរៀង រវាងម៉ូតូនិងម៉ូតូបើកបញ្ច្រាសទិសគ្នា ពី លិចទៅកើត។
ប្រភពដដែលបានបន្តថាៈ ម៉ូតូទី១ ម៉ាកហុងដាសេ១០០ (សង់តែមឆេះ)ពណ៌ខ្មៅ គ្មានផ្លាកលេខ បើកបរដោយឈ្មោះតន គម ភេទប្រុសអាយុ ៣០ ឆ្នាំរស់នៅភូមិ បាត់ថង់ ឃុំគគីរសោម ស្រុកស្វាយទាប ខេត្តស្វាយរៀង បើកបរក្នុងទិសដៅពីលិចទៅកើត (មិនពាក់មួកសុវត្ថិភាព) រងរបួសធ្ងន់ ម៉ូតូខូចខាតធ្ងន់។ ម៉ូតូទី២ ម៉ាកសង់កូរ៉េ ពណ៌ក្រហម គ្មានផ្លាកលេខ បើកបរក្នុងទិសដៅពីកើតទៅលិច បើកបរដោយឈ្មោះ វង់ អឿន ភេទប្រុសអាយុ 18 ឆ្នាំ រស់នៅភូមិ ត្រពាំងថ្កូវ ឃុំពងទឹក ស្រុករំដួលខេត្ត ស្វាយរៀង (មិនពាក់មួកសុវត្ថិភាព ) រងរបួសធ្ងន់ ម៉ូតូខូចខាតធ្ងន់ និង អ្នករួមដំណើឈ្មោះ ផាត ភេទ ប្រុស អាយុ 23 ឆ្នាំរស់នៅភូមិឃុំ ជាមួយអ្នកបើកបរ (មិនពាក់មួកសុវត្ថិភាព) រងរបួសធ្ងន់។
សមត្ថកិច្ចបានបន្ថែមទៀតថាៈ មូលហេតុ ម៉ូតូទាំងពីរបើកបរដោយមិនមានភ្លើងបំភ្លឺផ្លូវ។ បច្ចុប្បន្ន មធ្យោបាយទាំងពីរត្រូវបានយកមករក្សាទុក នៅប៉ុស្តិ៍រដ្ឋបាលពងទឹក ឯអ្នករងរបួសបញ្ជូន ទៅមន្ទីរពេទ្យបង្អែកខេត្តស្វាយរៀង៕ដោយ៖ វ៉ៃកូ