ភ្នំពេញ ៖ បុរសម្នាក់បែកថ្នាំហើយអុកឡុកក្នុងរោងស្នាក់នៅ របស់កម្មករសំណង់ នៅបុរីមួយកន្លែង កាលពីវេលាម៉ោង៩ ព្រឹកថ្ងៃទី ១៩ ខែវិច្ឆិកាឆ្នាំ ២០១៩ ស្ថិតនៅក្នុងភូមិបឹងឈូក សង្កាត់វាលស្បូវ ខណ្ឌច្បារអំពៅ។
ជនបែកថ្នាំមានឈ្មោះ សឿន សួង អាយុ២៥ឆ្នាំ មុខរបរកម្មករសំណង់ ស្នាក់នៅការដ្ឋានសំណង់ខាងលើ និងមានស្រុកកំណើតនៅភូមិព្រៃគុយ ឃុំព្រៃគុយ ស្រុកកំស្វាយ ខេត្តកំពង់ធំ។
បើតាមសម្ដីសន្តិសុខដែលយាមក្នុងបុរី បានប្រាប់ឲ្យដឹងថា មុនគេមុនពេលកើតហេតុគេឃើញបុរសខាងលើ បានបែកថ្នាំហើយដើរអុកឡុក ក្នុងបរិវេណបុរី ដែលធ្វើឲ្យធ្វើរោងឲ្យកម្មករសំណង់ស្នាក់នៅ បានស្រែកជេរទៅលើកម្មករ ពេលនោះសន្តិសុខ ក៏បានឃាត់ខ្លួនបុរសរូបនោះ បានរត់ឆ្លងផ្លូវចូលរថយន្ត តែត្រូវសន្តិសុខជួយអន្តរាគមន៍ទាន់ ចាប់ប្រគល់ឲ្យសមត្ថកិច្ចប៉ុស្តិ៍នគរបាលវាស្បូវ
។
សមត្ថកិច្ចប៉ុស្តិ៍នគរបាលរដ្ឋបាលវាលស្បូវ បានបញ្ជូនខ្លួនជនបែកថ្នាំ មកកាន់អធិការដ្ឋានខណ្ឌច្បារអំពៅ និងប្រគល់ឲ្យទៅខាងមណ្ឌលកែប្រែ យកជនបែកថ្នាំ ទៅបន្សាបគ្រឿងញៀន៕ដោយ៖បញ្ញាស័ក្តិ
