តាកែវ៖ ដេញថ្លៃទីតាំងសត្តឃាតនិងផាស៊ីផ្សារប្រចាំឆ្នាំ២០២០ នៅក្នុងខេត្តតាកែវធ្វើដូចខ្លាចគេដឹង សង្ស័យត្រូវរ៉ូវគ្នាហើយមើលទៅ ។ ការដាក់ឲ្យមានការដេញថ្លៃទីតាំងសត្តឃាត និងផាស៊ីផ្សារនៅទូរទាំងខេត្តតាកែវបានឡើង នៅសាខាពន្ធដាខេត្តតាកែវ កាលពីថ្ងៃទី ១៩ ខែវិច្ឆិកា ឆ្នាំ២០១៩ ។
ប្រជាពលរដ្ឋដែលជាអ្នកចង់បានទីតាំងសត្តឃាតដូចគ្នា សូមមិនបញ្ចេញឈ្មោះបានលួចបង្ហើបឲ្យដឹងថា ការដេញថ្លៃ ដដែលៗជារាងរាល់ឆ្នាំ គឺតែងតែបានទៅលើបុគ្គល ដែលមានសមត្ថភាពអែបអបមួយរូប ក្នុងខេត្តតាកែវ ដែលនៅពីក្រោយខ្នងក្រុមហ៊ុនតូចៗ ដែលត្រូវជាសាច់ញាតិបងប្អូន ចូលមកបង្រ្គប់ឯកសារ ក្នុងការដេញថ្លៃចុះមកក្រោម ដើម្បីបន្ថយទៅនិងការបង់ពន្ធចូលរដ្ឋ ។
សកម្មភាពនេះត្រូវបានប្រជាពលរដ្ឋដែលជាអ្នកដេញថ្លៃ ចង់បានទីតាំងសត្តឃាតដូចគ្នា សូមមិនបញ្ចេញឈ្មោះ ស្នើសុំឲ្យលោក អ៊ូច ភា អភិបាលខេត្តតាកែវ និងលោក ឱម យិនទៀង ប្រធានអង្គភាពប្រឆាំងអំពើពុករលួយ ជួយពិនិត្យលើសកម្មភាព បើកឲ្យមានការដាក់ដេញថ្លៃផាស៊ីផ្សារ និងផាស៊ីទីតាំងសត្តឃាតទាំង១០ស្រុក នៅក្នុងខេត្តផង ជៀសវាងមានការឃុតឃិតគ្នា តាមរយៈខ្សែបណ្តោយបែងចែកភាគរយ ធ្វើឲ្យបាត់បង់នៅចំណូលរបស់រដ្ឋ តែកើនឡើងនៅចំណូលតាមហោប៉ៅខោរបស់មន្ត្រីខិលខូចទៅវិញ ៕ដោយ៖ តាកែវ