ភ្នំពេញ៖ សេចក្តីប្រកាសព័ត៌មានលេខ ០៣ របស់គណៈកម្មាធិការជាតិរៀបចំការបោះឆ្នោត (គ.ជ.ប) ស្តីពីសេចក្តីណែនាំ អំពីការងារសន្តិសុខ សុវត្ថិភាព និងសណ្តាប់ធ្នាប់សម្រាប់ដំណើរការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៤ ឆ្នាំ២០១៨ ដែលនឹងប្រព្រឹត្តទៅនៅថ្ងៃអាទិត្យទី២៤ខែកុម្ភៈ។
សេចក្តីណែនាំលេខ០០១ ដែលចុះហត្ថលេខាដោយ លោក ស៊ិក ប៊ុនហុក ប្រធានគ.ជ.ប កាលពីថ្ងៃទី៨ខែមករាឆ្នាំ២០១៨ បានសង្កត់ធ្ងន់ជាអាទ៍ថា ៖ ដើម្បីធានាសន្តិសុខ សុវត្ថិភាព សណ្តាប់ធ្នាប់សាធារណៈ និងបរិយាកាសនយោបាយល្អ ស្ងប់ស្ងាត់អព្យាក្រឹតនិងយុត្តិធម៌ក្នុងដំណើរការរៀបចំការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៤ ឆ្នាំ២០១៨ ប្រធាន គធ.ខប ត្រូវធ្វើការយ៉ាងយកចិត្តទុកដាក់បំពេញការងារឲ្យបានល្អ និងត្រូវមានកិច្ចប្រជុំជាមួយភាគីពាក់ព័ន្ធ ក្នុងមួយសប្តាហ៍ម្តង ឬអាចច្រើនជាងនេះប្រសិនបើមានការចាំបាច់៕ ដោយ៖កូឡាប
