ខេត្តស្វាយរៀង៖ យ៉ាងហោចណាស់មនុស្ស៣នាក់បានរងរបួសធ្ងន់ ដោយសារជួបគ្រោះថ្នាក់ចរាចរណ៍ រវាងម៉ូតូនិងម៉ូតូ ដែលធ្វើដំណើរបញ្ច្រាសទិសគ្នា។ ករណីនេះបានកើតឡើងកាលពីវេលាម៉ោង១៩និង០៥នាទីយប់ ថ្ងៃអង្គារ ទី ១៩ ខែវិច្ឆិកា ឆ្នាំ២០១៩ នៅភូមិថ្លុកព្រីង ឃុំពពែត ស្រុកស្វាយទាប ខេត្ត ស្វាយរៀង។
យោងតាមសមត្ថកិច្ចបានឲ្យដឹងថា៖ នៅមុនពេលកើតហេតុមានម៉ូតូមួយគ្រឿង ម៉ាក វ៉េវ ពណ៌ ខ្មៅ គ្មានផ្លាកលេខ បើកបរ ដោយស្មោះ សោម ធី ភេទប្រុស អាយុ39ឆ្នាំ រស់នៅភូមិថ្លុកព្រីង ឃុំពពែត ស្រុកស្វាយទាប ខេត្តស្វាយរៀង រងរបួសដាច់ជង្គង់ និងអ្នករួមដំណើរម្នាក់ទៀត មានឈ្មោះ ខៀវ យ៉យ ភេទប្រុស អាយុ 16ឆ្នាំរស់នៅភូមិឃុំជាមួយគ្នា គ្មានមួកសុវត្ថិភាព របួសពកក្បាល បានធ្វើដំណើរពីត្បូងទៅជើង។ លុះមកដល់ចំណុចកើតហេតុខាងលើ ស្រាប់តែមានម៉ូតូមួយគ្រឿងទៀត ម៉ាកសង់ ពណ៌ខ្មៅ ពាក់ផ្លាកលេខ ក្រចេះ 1C4270 បើកបរដោយឈ្មោះ ទឹម សាម៉ៃ ភេទប្រុស អាយុ ឆ្នាំ25 រស់នៅភូមិថ្លុកព្រីង ឃុំពពែត ស្រុកស្វាយទាប ខេត្តស្វាយរៀង គ្មានមួកសុវត្ថិភាព មកពីទិសខាងជើងទៅត្បូងបញ្ច្រាសទិសគ្នា បានបុកម៉ូតូខាងលើពេញទំហឹង រងរបួសធ្ងន់ ដាច់ក្បាលជង្គង់ និងក្បាលរងរបួសធ្ងន់ទាំង៣នាក់តែម្តង។
បច្ចុប្បន្នជនរងគ្រោះទាំងបីនាក់បានបញ្ជូនទៅព្យាបាលនៅមន្ទីរពេទ្យជីភូ ចំណែកម៉ូតូទាំងពីរគ្រឿង ត្រូវបានសមត្ថកិច្ចយកមករក្សាទុកនៅ ប៉ុស្ដិ៍នគរបាលរដ្ឋបាលពពែត ៕ដោយ៖ វ៉ៃកូ