ឆ្នាំជូត
រាសីល្អជាមធ្យម។ ក្នុងថ្ងៃនេះទោះធ្វើអ្វីក៏ដោយត្រូវតែមានការប្រុងប្រយ័ត្នបន្តិចទើបគ្មានបញ្ហាអាក្រក់ណាមួយចោទឡើង។ ចំពោះការប្រកបការងារសព្វបែបយ៉ាងលោកអ្នកមិនត្រូវមានចិត្តប្រកែប្រកាន់ច្រើនឡើយ ព្រោះនាំតែកើតជម្លោះវិវាទប៉ុណ្ណោះ។ អ្នកប្រកបរបររកស៊ីជួញដូរវិញមិនត្រូវធ្វើអ្វីដោយតក់ក្រហល់ចង់បានភ្លាមៗទេពិសេសការបណ្តាក់ទុនរកស៊ីប្រយ័ត្នជួបរឿងស៊យអស់ប្រាក់កាសពីខ្លួនត្រូវមកដេកសោកស្តាយ។
រីឯមនោសញ្ចេតនាស្នេហាកំលោះក្រមុំមានដំណើរទៅមុខជឿនលឿនគួរសម និងមានភាពស្រស់ស្រាយនឹងគ្នា៕
ឆ្នាំឆ្លូវ
រាសីស្រុតចុះ។ នៅថ្ងៃនេះដំណើរជីវិតរបស់លោកអ្នកមិនទាន់ល្អប្រសើរទេ ពិសេសបើមានធ្វើកិច្ចសន្យាឬចង់ចេញដំណើរឆ្ងាយជិតឃើញថាមិនសូវល្អប្រសើរឡើយ គប្បីមានការប្រយ័ត្នប្រយែង។ សម្រាប់អ្នកប្រកបរបររកស៊ីជួញដូរវិញជួបការលំបាកក្នុងការរកផលកម្រៃណាស់ ឯការជួញទីជិតឆ្ងាយទៀតសោតក៏កើតមានភាពរកាំរកូសមិនតិចដែរទេ។
រីឯមនោសញ្ចេតនាបញ្ហាគូស្នេហាប្រុសស្រីមានការហួងហែងនិងម្នាក់ៗយកភាពប្រចែប្រច័ណ្ឌដឹកមុខនាំឱ្យកើតបញ្ហាចំពោះគ្នាឥតស្រួលចិត្តប៉ុន្មានឡើយ ៕
ឆ្នាំខាល
រាសីខ្ពស់ត្រដែត។ នៅថ្ងៃនេះបើមានការទំនាក់ទំនងចរចាបញ្ហាអ្វីតែងសម្រេចដូចគាប់បំណងនិងបើចង់បណ្តាក់ទុនអ្វីក៏តែងជោគជ័យផងដែរ។ចំពោះអ្នកប្រកបរបររកស៊ីជួញដូរប្រាក់កាសដែលធ្លាប់តែបោលហួសឬហោះរំលងពេលនេះអាចឈោងចាប់បានខ្លះៗវិញហើយ។ការរស់នៅមានភាពសុខដុមនិងក្រុមមនុស្សស្វាគមន៍រាក់ទាក់ជានិច្ច។
រីឯមនោសញ្ចេតនាបញ្ហាស្នេហាកំលោះក្រមុំឬពោះម៉ាយមេម៉ាយក្តីបើលោកអ្នកចង់ផ្សំផ្គុំគ្រួសារឬរៀបអាពាហ៍ពិពាហ៍តែងសម្រេចជោគជ័យដូចគាប់បំណង៕
ឆ្នាំថោះ
រាសីល្អជាមធ្យម។ ការប្រកបការងារនៅថ្ងៃនេះឃើញថាមានការជឿនលឿនគួរសមហើយក៏ងាយថយក្រោយណាស់ដែរ។សម្រាប់អ្នកប្រកបរបររកស៊ីជួញដូរពេលព្រឹកមានភាពរកាំរកូសច្រើនតែថ្ងៃបន្តិចពេលព្រះអាទិត្យរះពេញអាកាសវេហាឧបទ្រពចង្រៃទាំងពួងនឹងវិនាសជាអហោសិកម្មអស់។ការធ្វើដំណើរឆ្ងាយជិតជួបភាពរកាំចិត្តនិងបញ្ហាចូលយាយីច្រើនគប្បីមានការប្រយ័ត្នប្រយែង។
រីឯមនោសញ្ចេតនា សម្ព័ន្ធស្នេហាកំលោះក្រមុំមានការប្រែប្រួលប្តូរផ្លាស់ព្រោះជួនត្រូវរ៉ូវគ្នាជួនទាស់ទែងគ្នា៕
ឆ្នាំរោង
រាសីស្រុតចុះ។ នៅថ្ងៃនេះដោយសារដួងរាសីស្រុតចុះ ហេតុនេះទោះធ្វើអ្វីក៏តោងតែមើលមុខក្រោយពីព្រោះថាផលអាក្រក់នោះងាយកើតចំពោះមុខផង។សម្រាប់បុរសនៅពេលនេះលោកអ្នកអាចសម្រុកការងារតូចធំបានផងដែរពីព្រោះថាជោគជ័យនៅចំពោះមុខនោះឃើញថាមានសង្ឃឹមច្រើន។អ្នកប្រកបរបររកស៊ីជួញដូរវិញបើលោកអ្នកចង់បោះទុនតូចធំឬចង់រកស៊ីចូលហ៊ុនជាមួយអ្នកដទៃត្រូវចេះត្រួតពិនិត្យឱ្យបានគ្រប់ជ្រុងជ្រោយបើពុំនោះទេអាចជួបផលអាក្រក់ណាមួយនៅថ្ងៃខាងមុខជាក់ជាពុំខាន។
រីឯមនោសញ្ចេតនាបញ្ហាសេចក្តីស្នេហាកំលោះក្រមុំកុំជ្រួលជ្រើមខុសបែបបទប្រយ័ត្ននាំក្តីទុក្ខលំបាកមកវិញ៕
ឆ្នាំម្សាញ់
រាសីខ្ពស់ត្រដែត។ នៅថ្ងៃនេះលោកអ្នកមានការសប្បាយចិត្តសប្បាយកាយបន្តិចនិងធ្វើអ្វីក៏មានការរីកលូតលាស់ទៅមុខគួរសមដែរ។ក្រៅពីនេះបើលោកអ្នកចង់សម្រេចចិត្តធ្វើអ្វីមួយក៏ជាពេលវេលាល្អព្រោះផ្លែផ្កាហុចមកវិញក៏តែងផ្តល់ជាជោគសំណាងច្រើនមកវិញច្រើនផង។ចំណែកអ្នកប្រកបរបររកស៊ីជួញដូរការជួញទីជិតឆ្ងាយក្នុងថ្ងៃនេះមានភាពកាក់កបល្អហើយបើចង់បើករបរថ្មីទៀតសោតក៏ផ្តល់ផ្លែផ្កាគួរជាទីពេញចិត្ត។ការធ្វើដំណើរឆ្ងាយជិតមានតែក្រុមមនុស្សជួយជ្រោមជ្រែងនិងអាណិតស្រឡាញ់ជានិច្ច។
រីឯមនោសញ្ចេតនាសម្ព័ន្ធស្នេហាកំលោះក្រមុំមានភាពស្រស់ស្រាយប្រៀបដូចត្រីក្នុងទឹកនារដូវវស្សា៕
ឆ្នាំមមី
រាសីល្អជាមធ្យម។ នៅថ្ងៃនេះដំណើរជីវិតរបស់លោកអ្នកមានភាពនឹងធឹងល្អហើយធ្វើអ្វីក៏តែងជឿនលឿនទៅមុខគួរសមផងដែរ។សម្រាប់អ្នកប្រកបរបររកស៊ីជួញដូរការជួញទីជិតឆ្ងាយក្តីផលកម្រៃមានហូរចូលគ្រាន់បំពេញបំពង់អញ្ចឹងដែរតែយ៉ាងណាលោកអ្នកគួរប្រយ័ត្នប្រយែងការមានជម្លោះវិវាទដោយប្រការណាមួយ។ក្រៅពីនេះបើលោកអ្នកធ្វើដំណើរចេញក្រៅផ្ទះគប្បីមានការប្រយ័ត្នប្រយែងព្រោះថាងាយត្រូវគេបោកប្រាស់ឬភូតភរកុហកផង។
រីឯមនោសញ្ចេតនាបញ្ហាសម្ព័ន្ធស្នេហាកំលោះក្រមុំមានការឆាប់ទាំងប្រេះឆាហើយក៏ឆាប់ត្រូវគ្នាវិញ៕
ឆ្នាំមមែ
រាសីស្រុតចុះ។ ថ្ងៃនេះដោយសារយីអ៊ុនរបស់លោកអ្នកបានដាំក្បាលចុះ ម្ល៉ោះហើយធ្វើឱ្យដំណើរជីវិតជួបភាពរអាក់រអួលនិងរឿងរាវប្រទាំងប្រទើសច្រើន។ចំពោះការប្រកបការងារលោកអ្នកមិនត្រូវហ៊ានរិះគន់ចៅហ្វាយនាយឡើយប្រយ័ត្នជញ្ជាំងមានត្រចៀកកើតមានរឿងរាវណាមួយមកដាក់ខ្លួនវិញ។អ្នកប្រកបរបររកស៊ីជួញដូរលោកអ្នកឱ្យប្រយ័ត្នជនខិលខូចតាមលួចបន្លំឬបង្ករឿងដោយប្រការណាមួយ។ការធ្វើដំណើរទីជិតឆ្ងាយពិសេសទិសអាគ្នេយ៍ប្រយ័ត្នឧប្បតិ្តហេតុយាយីបន្តិចពីព្រោះងាយជួបប្រទះណាស់ផង។
រីឯមនោសញ្ចេតនាបញ្ហាសម្ព័ន្ធស្នេហាកំលោះក្រមុំឬពោះម៉ាយមេម៉ាយក្តីមានការខ្វាយខ្វល់ព្រោះតែការគិតច្រើនម្នាក់ឯង៕
ឆ្នាំវក
រាសីស្រុតចុះ។ នៅថ្ងៃនេះដំណើរជីវិតរបស់លោកអ្នកជួបបញ្ហារឿងការងាររាំងស្ទះច្រើនដូចនេះទោះធ្វើអ្វីក៏ដោយគប្បីមានការប្រយ័ត្នប្រយែងទើបអាចចៀសផុតផលអាក្រក់ដែលយាយីទៅរួច។ការប្រកបការងារលោកអ្នកត្រូងអត់ធ្មត់សង្កត់ចិត្តហើយធ្វើមិនដឹងមិនឮចំពោះមនុស្សនៅជុំវិញខ្លួនខ្លះទើបប្រសើរ។សម្រាប់អ្នកប្រកបរបររកស៊ីជួញដូរវិញមានការទិញចូលលក់ចេញគួរសមឯផលកម្រៃទៀតសោតគ្រាន់ជាទីកក់ក្តៅផងដែរ។
រីឯមនោសញ្ចេតនាសម្ព័ន្ធស្នេហាកំលោះក្រមុំ ជួបរឿងប្រទាំងប្រទើសនិងចាប់កំហុសគ្នាច្រើន៕
ឆ្នាំរកា
រាសីខ្ពស់ត្រដែត។ នៅថ្ងៃនេះយីអ៊ុនរបស់លោកអ្នកគាប់ប្រសើរឡើងវិញ ដូចនេះទោះកាន់កិច្ចការអ្វីមានតែការលូតលាស់ទៅមុខនិងក្រុមមនុស្សជួយចូកចែវជានិច្ច។ក្នុងរង្វង់គ្រួសារបើលោកអ្នកជួបរឿងរ៉ាវជម្លោះវិវាទហើយចង់ធ្វើការដោះស្រាយជាពេលវេលាល្អប្រពៃបំផុត។អ្នកប្រកបរបររកស៊ីជួញដូរមានការទិញចូលលក់ចេញគ្រាន់បើបន្តិចឯផលកម្រៃក៏ច្រើនល្មមគួរមានទីលំនឹងចិត្តនិងម្យ៉ាងវិញទៀតបើមានអតិថិជនជំពាក់ប្រាក់កាសលោកអ្នកមិនភ័យព្រួយគេមិនសងនោះដែរ។
រីឯមនោសញ្ចេតនាបញ្ហាសេចក្តីស្នេហាប្រុសស្រីមានការរីកលូតលាស់ទៅមុខនិងផ្អែមល្ហែមណាស់ដែរ៕
ឆ្នាំច
រាសីស្រុតចុះ។ ថ្ងៃនេះដោយសារយីអ៊ុនរបស់លោកអ្នកបានដាំក្បាលចុះ ម្ល៉ោះហើយធ្វើឱ្យដំណើរជីវិតជួបភាពរអាក់រអួលនិងរឿងរាវប្រទាំងប្រទើសច្រើន។ចំពោះការប្រកបការងារលោកអ្នកមិនត្រូវហ៊ានរិះគន់ចៅហ្វាយនាយឡើយប្រយ័ត្នជញ្ជាំងមានត្រចៀកកើតមានរឿងរាវណាមួយមកដាក់ខ្លួនវិញ។អ្នកប្រកបរបររកស៊ីជួញដូរលោកអ្នកឱ្យប្រយ័ត្នជនខិលខូចតាមលួចបន្លំឬបង្ករឿងដោយប្រការណាមួយ។
រីឯមនោសញ្ចេតនាបញ្ហាសម្ព័ន្ធស្នេហាកំលោះក្រមុំឬពោះម៉ាយមេម៉ាយក្តីមានការខ្វាយខ្វល់ព្រោះតែការគិតច្រើនម្នាក់ឯង៕
ឆ្នាំកុរ
រាសីល្អជាមធ្យម។ នៅថ្ងៃនេះលោកអ្នកទោះធ្វើអ្វីក៏ដោយមិនគប្បីរឹងចចេសឬមិនស្តាប់គេស្តាប់ឯងនោះឡើយបើមិនដូច្នេះនាំជះឥទ្ធិពលអាក្រក់ណាមួយមកវិញ ។ចំពោះបញ្ហាប្រាក់កាសលោកអ្នកទុកនៅខ្លួនពុំសូវជាប់ទេតែងហូរចេញអស់ៗទៅវិញ។អ្នកប្រកបរបររកស៊ីជួញដូរពេលនេះមុខជំនួញឆ្ងាយជិតមានការប្រែប្រួលពីល្អមកអាក្រក់ច្រើនដូច្នេះគួរមានការប្រយ័ត្តប្រយ៉ែងឱ្យបានខ្លាំងក្លា។ការធ្វើដំណើរឆ្ងាយជិតចូរប្រយ័ត្នក្រុមមនុស្សតាមព្យាបាទយាយីដោយប្រការណាមួយ។
រីឯមនោសញ្ចេតនាបញ្ហាប្រុសស្រីបើចង់ធ្វើការជ្រើសរើសគូស្រករពុំសូវល្អទេពីព្រោះច្រើនជួបគូរកម្មជាងគូព្រេង៕