ភ្នំពេញ៖ នៅល្ងាចថ្ងៃទី២០ ខែវិច្ឆិកា នេះ លោកកឹម សុខា បានទទួលជួបលោក Philippe Kridelka ឯកអគ្គរាជទូតវិសាមញ្ញនិងពេញសមត្ថភាពនៃរាជាណាចក្របែលហ្សិក (Belgium) និង លោកស្រី Satu Suikkari-Kleven ឯកអគ្គរដ្ឋទូតវិសាមញ្ញនិងពេញសមត្ថភាពនៃសាធារណរដ្ឋហ្វាំងឡង់ (Finland) ដែលមានស្ថានឯកអគ្គរដ្ឋទូតនៅទីក្រុងបាងកក ដែលទទួលបន្ទុករាជាណាចក្រថៃឡង់ដ៏ ព្រះរាជាណាចក្រកម្ពុជា និង ម៉ីយ៉ាន់ម៉ា។
ឯកអគ្គរាជទូត-ឯកអគ្គរដ្ឋទូតតំណាងឲ្យរដ្ឋាភិបាលនៃប្រទេសទាំងពីរដែលក៏ជាសមាជិកសហភាពអឺរ៉ុប បានសម្តែងការគួរសម ជម្រាបសួរសុខទុក្ខ និងសំណេះសំណាយជាយមួយលោកកឹម សុខា ដើម្បីផ្លាស់ប្តូរយោបល់គ្នាអ្វីដែលមានសារសំខាន់និងប្រយោជន៍ដល់ប្រទេសនិងប្រជាពលរដ្ឋខ្មែរ។
ឯកអគ្គរាជទូត-ឯកអគ្គរដ្ឋទូតនៃប្រទេសទាំងពីរបានសម្តែងការកោតសរសើរចំពោះលោក កឹម សុខា អំពីភាពជាគំរូរបស់លោកក្នុងការតស៊ូដោយអត់ធ្មត់ អហិង្សា និងសន្តិវិធី។
ខ្ញុំនៅចាំយ៉ាងច្បាស់អំពីបំណងប្រាថ្នាធំពីររបស់ លោក កឹម សុខា ក្នុងជីវភាពនយោបាយរបស់លោក គឺ ១) ចង់ឲ្យពលរដ្ឋខ្មែរមានជីវភាពរស់នៅល្អប្រសើររស់នៅដោយថ្លៃថ្នូរនិងកិត្តិយស និង ២) ចង់ឲ្យមានការគោរពនិងការពារសិទ្ធិមនុស្សរបស់ប្រជាពលរដ្ឋខ្មែរ៕ ដោយ៖កូឡាប