ខេត្តកំពង់ឆ្នាំង៖ ក្នុងផែនការបម្លាស់ទីផ្ទះបណ្តែតទឹក ឲ្យឡើងគោកនៅក្នុងក្រុងកំពង់ឆ្នាំង គឺនៅក្នុងទន្លេ មានផ្ទះទឹក ដែលមានបែរចិញ្ចឹមត្រីនៅពីក្រោមជាង២០០ខ្នង តាមផែនការតម្រូវអោយអ្នករស់នៅលើបែត្រីទាំងអស់នោះឡើង មករស់នៅលើគោកវិញ គឺអនុញ្ញាតអោយទុកបែត្រីចិញ្ចឹមនៅក្នុងទន្លេ តែត្រូវរុះដំបូលចេញ និងបង្គន់អនាម័យចេញផងដែរ ។
ផែនការបម្លាស់ទីផ្ទះបណ្តែតទឹកជាង២ពាន់ខ្នងឡើងគោកនៅក្នុងក្រុងកំពង់ឆ្នាំងជិតបញ្ចប់ហើយ ដោយបច្ចុប្បន្ននេ អាជ្ញាធរខេត្តកំពុងជំរុញអោយក្រុមហ៊ុនទទួលម៉ៅការចាក់ដីរៀបចំទីតាំងភូមិថ្មីមួយនៅក្នុងភូមិដំបូកកកោះ ឃុំស្វាយជ្រុំ ស្រុករលាប្អៀរ អោយបានរួចរាល់នៅក្នុងរដូវប្រាំងឆ្នាំ ២០១៩ និងឆ្នាំ២០២០ខាងមុខនេះ ដើម្បីរៀបចំអោយប្រជាពលរដ្ឋដែលបានបម្លាស់ទីផ្ទះទឹកឡើង គោកមកសង់ផ្ទះរស់នៅជុំគ្នានៅក្នុងភូមិថ្មីដែលកំពុងរៀបចំខាងលើនេះ ។
លោក ស៊ុន សុវណ្ណារិទ្ធ អភិបាលរងខេត្តនិងជាប្រធាន គណៈកម្មការបន្លាស់ទីផ្ទះទឹកក្រុងកំពង់ឆ្នាំង នៅល្ងាចថ្ងៃទី១៩ ខែវិចិ្ឆកា ឆ្នាំ២០១៩ នេះ បានថ្លែថថា អនុវត្តន៍តាមផែនការបន្លាស់ទីផ្ទះទឹក កន្លងមកតាមសំណើររបស់អាជ្ញាធរខេត្ត ប្រមុខរាជរដ្ឋាភិបាលបានធ្វើអនុប្រយោគកាត់ដីលិច ទឹកនៅភូមិដំបូកកកោះ ឃុំស្វាយជ្រុំ ចំនួន៤០ហិកតាប្រគល់អោយអាជ្ញាធរខេត្ត រៀបចំទីតាំងភូមិថ្មីមួយ សំរាប់ផ្តល់ដីជូនប្រជាពលរដ្ឋបន្លាស់ទីផ្ទះទឹកជាង២ ពាន់គ្រួសារ មានខ្មែរ វៀតណាម និងឥស្លាមនៅក្នុងក្រុងកំពង់ឆ្នាំង ភាគច្រើនគឺជនជាតិវៀតណាាមអោយឡើងមករស់នៅលើគោក ។
លោក ស៊ុន សុវណ្ណារិទ្ធ បានអោយដឹងទៀតថា៖មក ដល់ពេលនេះមានប្រជាពលរដ្ឋប្រមាណ៨០%បានអូសបង្គឿងផ្ទះទឹករបស់ខ្លួន រស់នៅលើខ្នងកោះចំការជាប់មាត់ទន្លេក្នុងភូមិទី៧ សង្កាត់ខ្សាម ក្រុងកំពង់ ឆ្នាំង ជាង១ឆ្នាំមកហើយ ។
ចំពោះការជុំរុញក្រុមហ៊ុនម៉ៅការចាក់ដីរៀបចំទីតាំងខាងលើនេះ គឺតំណាងសមាគមន៍ប្រជាពលរដ្ឋ បានចរចាជាមួយក្រុមហ៊ុនចាក់ដីត្រូវគ្នាហើយគឺខាងក្រុម ហ៊ុនត្រូវចាក់ដីអោយរួចរាល់សិន ទើបទូទាត់លុយជាក្រោយ ។
ដូច្នេះតាមគម្រោងនៅក្នុងឆ្នាំ២០២០នេះ ក្រសួងសាធារណការ និងផ្តល់ថវិកាជួយកសាងផ្លូវកៅស៊ូ២ ខ្សែ ប្រវែងជាង៧គីឡូម៉ែត្រ ចេញពីទីតាំងភូមិថ្មីនេះហើយនៅពេលធ្វើផ្លូវរួចរាល់ និងរៀបចំប្រពន្ធ័ទឹកស្អាតអគ្គី សនី នឹងរៀបចំតបណ្តាញអោយស្របតាមគោល នយោបាយអភិវឌ្ឍន៍ របស់ប្រមុខរាជរដ្ឋាភិបាល ៕ បញ្ញាស័ក្តិ