ខេត្តស្វាយរៀងៈ ស្ត្រី៣នាក់បានរងរបួស ដោយសារគ្រោះថ្នាក់ចរាចរណ៍ រវាងម៉ូតូនិងម៉ូតូ ក្នុងទិសដៅស្របទិសគ្នា ដែលហេតុការណ៍ខាងលើនេះ បានកើតឡើងកាលពីវេលាម៉ោង៧និង១០នាទីព្រឹក ថ្ងៃទី២១ ខែវិច្ឆិកា ឆ្នាំ២០១៩ នៅលើផ្លូវជាតិលេខ13 ស្ថិតក្នុងភូមិ ត្រពាំងដំរី ឃុំកំពង់អំពិល ស្រុករំដួល ខេត្តស្វាយរៀង ។
សមត្ថកិច្ចបានឱ្យដឹងថាៈ ម៉ូតូទី១ ម៉ាកហុងដាសេ125ពណ៌ខ្មៅ ស៊េរីឆ្នាំ2015 ពាក់ផ្លាកលេខភ្នំពេញ 1FE 1576 បើកបរដោយឈ្មោះញឹក ចិន្តា ភេទស្រី អាយុ 18 ឆ្នាំ រស់នៅភូមិ ត្រពាំងត្បាល់ ឃុំ អណ្តូងពោធិ៍ ស្រុករមាសហែក ខេត្តស្វាយរៀង បើកបរក្នុងទិសដៅពីជើងទៅត្បូង (ពាក់មួកសុវត្ថិភាព) រងរបួសស្រាល ម៉ូតូខូចខាតស្រាល។ ម៉ូតូទី២ ម៉ាកហុងដាសេ125 ពណ៌ខ្មៅស៊េរីឆ្នាំ2016 ពាក់ផ្លាកលេខកំពង់ស្ពឺ 1J 8652 បើកបរក្នុងទិសដៅពីជើងទៅត្បូង បើកបរដោយឈ្មោះ យ៉ន អិត ភេទស្រី អាយុ 33 ឆ្នាំ រស់នៅភូមិ ត្រពាំងអង្គុញ ឃុំដូង ស្រុករមាសហែក ខេត្តស្វាយរៀង (ពាក់មួកសុវត្ថិភាព )រងរបួសស្រាល ម៉ូតូខូចខាតស្រាល និង អ្នករួមដំណើឈ្មោះ អ៊ុកហាន ភេទ ស្រី អាយុ 40 ឆ្នាំ រស់នៅភូមិត្រពាំងធំ ឃុំដូង ស្រុករមាសហែក ខេត្តស្វាយរៀង (ពាក់មួកសុវត្ថិភាព) រងរបួសស្រាល។
ប្រភពដដែលបានបន្តថាៈ មូលហេតុ គ្រោះថ្នាក់នេះ ម៉ូតូម៉ាកហុងដាសេ១២៥ សេរី២០១៥ បត់ឆ្វេង ដោយគ្មានការប្រុងប្រយ័ត្ន។ បច្ចុប្បន្ន មធ្យោបាយទាំងពីរ ត្រូវបានយកមករក្សាទុកនៅប៉ុស្តិ៍រដ្ឋបាល កំពង់អំពិល ឯអ្នករងរបួសបញ្ជូនទៅមន្ទីរពេទ្យបង្អែកខេត្តស្វាយរៀង៕ ដោយ៖ វ៉ៃកូ
