ខេត្តស្វាយរៀងៈ បុរសម្នាក់បានរងរបួសធ្ងន់ នៅក្នុងករណីគ្រោះថ្នាក់ចរាចរណ៍ ដ៏គួរឱ្យរន្ធត់មួយ រវាងរថយន្តនិងម៉ូតូ កាលពីវេលាម៉ោង១៣និង៤១នាទីរសៀល ថ្ងៃទី២១ ខែវិច្ឆិកា ឆ្នាំ២០១៩ នៅលើផ្លូវជាតិលេខ១៣ ស្ថិតត្រង់ចំណុចភូមិចក ឃុំកំពង់ចក ស្រុករំដួល ខេត្តស្វាយរៀង។
សមត្ថកិច្ចបានឱ្យដឹថាៈ មានករណីគ្រោះចរាចរណ៍ រវាងម៉ូតូនិងរថយន្តបើកបញ្ច្រាសទិសគ្នា នៅលើផ្លូវជាតិលេខ១៣ ជនរងគ្រោះដែលជាអ្នកបើកម៉ូតូមាន ឈ្មោះផន ពណ្ណរាយ អាយុ២៤ ឆ្នាំរស់នៅភូមិអង្គ្រង ឃុំស្វាយរំពារ ស្រុកស្វាយទាប ខេត្តស្វាយរៀង បើកបរម៉ូតូម៉ាក ហុងដា សេ១២៥ ស៊េរី២០១៦ពាក់ផ្លាកលេខ ស្វាយរៀង 1I.4995 បើកបរពីទិសជើងទៅទិសត្បួង រងរបួលធ្ងន់។ ចំណែករថយន្តពុំស្គាល់អត្តសញ្ញាណ រថយន្តម៉ាកហាយឡិនឌ័រ ពណ៌ស ពុំស្គាល់ស្លាកលេខ រត់គេចពីកន្លែងកើតហេតុ បើកបរពីទិសត្បូងទៅទិសជើង។ បច្ចុប្បន្នជនរងគ្រោះត្រូវ បានបងប្អូនបញ្ជូនទៅព្យាបាលនៅមន្ទីរពេទ្យខេត្តតៃនិញ ប្រទេសវៀតណាម ចំណែកឯម៉ូតូកម្លាំងជំនាញ បានយកទៅរក្សាទុកនៅអធិការ ដើម្បីស្រាវជ្រាវតាមបន្តនីតិវិធី។ ហើយមូលហេតុដែលនាំឱ្យមានគ្រោះថ្នាក់ចរាចរណ៍នេះគឺ អ្នកបើកបររថយន្តមិនប្រកាន់ស្ដាំ៕ដោយ៖ វ៉ៃកូ