ខេត្តព្រះសីហនុ៖ សាលាដំបូងខេត្តព្រះសីហនុ បានបើកពិធីធ្វើសច្ចារប្រណិធាន ជូនដល់ លោក យស់ សុធា ប្រធានមន្ទីរប្រៃសណីយ៍ និងទូរគមនាគមន៍ខេត្តព្រះសីហនុ និងអនុប្រធានម្នាក់ទៀត អោយក្លាយជាមន្ត្រីនគរបាលយុត្តិធម៌ សម្រាប់អនុវត្តការងារនៅក្នុងស្ថាប័នទូរគមនាគមន៍ ដោយស្របច្បាប់។ ពិធីនេះ បានរៀបឡើងចំកាលពីព្រឹកថ្ងៃពុធ ៩រោច ឆ្នាំរកា ពស ២៥៦១ ត្រូវនឹងថ្ងៃទី១០ ខែមករា ឆ្នាំ២០១៨ នៅសាលាដំបូងខេត្តព្រះសីហនុ។
នាឱកាសនោះ លោក យស់ សុធា បានប្តេជ្ញា ពេលធ្វើសច្ចាប្រណិធាន ដើម្បីទទួលបាននីតិសម្បទាជាមន្ត្រីនរគបាលយុត្តិធម៌ពេញសិទ្ធិ សម្រាប់ការងារអធិការកិច្ចវិស័យទូរគមនាគមន៍ នៅចំពោះមុខតុលាការសាលាដំបូងថា នឹងខិតខំបំពេញការងារ អោយបានស្របតាមច្បាប់បានកំណត់ ក្នុងនាមជាមន្ត្រីនគរបាលយុត្តិធម៌ ដែលទើបទទួលបានសិទ្ធិពេញលេញនៅពេលនេះ។
ឆ្លៀតឱកាសនោះ លោក យស់ សុធា បានថ្លែងអំណរគុណដល់ លោក ម៉ុង មុន្នីចរិយា ប្រធានសាលាដំបូងខេត្តព្រះសីហនុ និងលោកស្រី ចាត សូរស្មី ព្រះរាជអាជ្ញារអមសាលាដំបូងខេត្ត ព្រមទាំងមន្ត្រីសាលាដំបូងខេត្តជាច្រើនរូបទៀត ដែលបានសម្របសម្រួលសហកាពេញលេញ ក្នុងការដឹកនាំផ្ទាល់ រៀបចំពិធីសច្ចាប្រណិធាន ជូនរូបលោក និងអនុប្រធានម្នាក់ទៀត អោយក្លាយជាមន្ត្រីនគរបាលយុត្តិធម៌ពេញសិទ្ធិ និងដោយជោគជ័យ ចាប់ពីថ្ងៃទី១០ ខែមករា ឆ្នាំ២០១៨តទៅ៕ ដែន សីមា