កំពង់ស្ពឺ៖មានគ្រោះថ្នាក់ចរាចរណ៍មួយ ដោយរថយន្ត៣គ្រឿងបុកគ្នានៅផ្លូវចំណោតពេជ្រនិលចន្លោះគីឡូម៉ែត្រ១០៤-១០៥ ម្តុំកន្លែងតាំងរូបដាយនរ័ស៊រ នាវេលាម៉ោង១រសៀលថ្ងៃ២២ ខែវិច្ឆិកា ។
នគរបាលខេត្តកំពង់ស្ពឺ បានឲ្យដឹងថា មនុស្ស២នាក់បានស្លាប់ និង៥នាក់ទៀតរងរបួស ដោយគ្រោះថ្នាក់ចរាចរណ៍ រថយន្ត៣គ្រឿង បុកប៉ះគ្នានៅផ្លូវជាតិលេខ៤ ត្រង់ចំណោតពេជ្រនិលចន្លោះគីឡូម៉ែត្រ១០៤.១០៥ ម្តុំកន្លែងតាំងរូបដាយនរ័ស៊រ វេលាម៉ោង១រសៀលថ្ងៃទី២២វិច្ឆិកា២០១៩នេះ ក្នុងនោះមានរថយន្តដឹកថ្មមួយគ្រឿង រថយន្តបាឡែនមួយគ្រឿង និងរថយន្តហាយឡិនឌរ័មួយគ្រឿង។ តាមរបាយការណ៍បឋម ពីសមត្ថកិច្ចមូលដ្ឋានថា ក្នុងចំណោមអ្នកស្លាប់២នាក់ នៅកន្លែងកើតហេតុ មានម្នាក់ស្លាប់គាបជាប់ក្នុងរថយន្ត និង៥នាក់ទៀតរងរបួស ត្រូវបានបញ្ជូនភ្លាមៗទៅសង្គ្រោះនៅមន្ទីរពេទ្យ។ ក្រោយកើតហេតុចរាចរណ៍ តាមផ្លូវចំណុចនោះបានកកស្ទះ សមត្ថកិច្ចកំពុងអន្តរាគមន៍ ៕ដោយ៖កូឡាប
