ខេត្តស្វាយរៀងៈយុវជនម្នាក់មានមុខរបរជាសិស្សបានរងរបួសធ្ងន់នៅក្នុងករណីគ្រោះថ្នាក់ចរាចរណ៍មួយរវាងគោយន្តឆ្នៃនិងម៉ូតូខណៈពេលដែលជនរងគ្រោះជិះម៉ូតូឆ្លងកាត់ថ្នល់ក៏ត្រូវគោយន្តឆ្នៃបុកចំពីមុខតែម្តង។ ហេតុការណ៏នៃគ្រោះថ្នាក់ខាងលើនេះបានកើតឡើងកាលពីវេលាម៉ោង១៥និង៥០នាទីរសៀលថ្ងៃទី ២២ខែវិច្ឆិកា ឆ្នាំ ២០១៩ ។
សមត្ថកិច្ចបានឱ្យដឹងថាៈមានករណីគ្រោះថ្នាក់ចរាចរណ៍មួយបានកើតឡើងរវាង គោយន្ដ និងម៉ូតូ លើផ្លូវជាតិលេខ០១ចន្លោះបង្គោលគីឡូម៉ែត្រលេខ១៣៧ -១៣៨ ស្ថិតក្នុងភូមិប្រសូតិ១ ឃុំកណ្តៀងរាយ ស្រុកស្វាយទាប ខេត្តស្វាយរៀង ។ ប្រភពដដែលបានបន្តថា ៖ មានគោយន្ដមួយគ្រឿង ពណ៌បៃតង គ្មានស្លាកលេខ អ្នកបេីកបរមិនស្គាល់អត្តសញ្ញាណបានរត់គេចពីកន្លែងកើតហេតុ ធ្វើដំណើរទិសដៅពីកេីត ទៅលិច មកដល់ចំនុចកេីតហេតុខាងលើ ស្រាប់តែមានម៉ូតូមួយគ្រឿងម៉ាកហុងដាឌ្រីមសេ១២៥ពណ៌ខ្មៅស៊េរីឆ្នាំ២០១៥ពាក់ស្លាកលេខស្វាយរៀង១G-១៨០០ បេីកបរដោយឈ្មោះ ឡេង ស៉ីម៉ន ភេទប្រុស អាយុ១៦ឆ្នាំ មុខរបរ សិស្ស រស់នៅភូមិព្រៃរំដួល ឃុំប្រសូតិ ស្រុកស្វាយទាប ខេត្តស្វាយរៀង ពាក់មួកសុវត្ថិភាព រងរបួសធ្ងន់(បែកក្បាល) ធ្វើដំណើរចេញពីសាលា ឆ្លងកាត់ផ្លូវ ពីជេីងទៅកេីត ក៍ត្រូវគោយន្ដបុកចំពីមុខតែម្ដងទៅ។
សមត្ថកិច្ចបានបន្ថែមទៀតថាៈករណីនេះបង្កការគ្រោះថ្នាក់និងខូចខាត៖មានមនុស្ស របួសធ្ងន់ ០១ នាក់ (ប្រុស)គោយន្ដខូចខាត ០១គ្រឿង (ស្រាល)ម៉ូតូខូចខាត ០១គ្រឿង (ធ្ងន់)។
ដោយឡែក អ្នករបួសត្រូវបានក្រុមគ្រួសារបញ្ជួនទៅសំរាកព្យាបាលនៅមន្ទីរពេទ្យខេត្តស្វាយរៀង ។
ចំពោះមធ្យោបាយទាំងពីរយកមករក្សាទុកនៅអធិការដ្ឋាននគរបាលស្រុកស្វាយទាប។ មូលហេតុ : ម៉ូតូឆ្លងកាត់ផ្លូវ៕ ដោយ ៖ វ៉ៃកូ
