តារាចម្រៀង និងជាតារាងសម្តែងកូរ៉េខាងត្បូងឈ្មោះ Goo Hara ត្រូវបានគេប្រទះឃើញស្លាប់នៅផ្ទះរបស់នាង ស្ថិតក្នុងទីក្រុងសេអ៊ូល។
ប៉ូលីសបញ្ជាក់ថា មូលហេតុនៃការស្លាប់របស់តារាល្បីខាងលើ កំពុងស្ថិតក្រោមការស៊ើបអង្កេត។ កាលពីសប្តាហ៍មុន នាងបានចេញសម្តែងក្នុងកម្មវិធីជាច្រើន ក្រោយពេលត្រូវបានគេបញ្ជូនទៅសង្រ្គោះ នៅមន្ទីរពេទ្យកាលពីខែឧសភា ដោយសារតែប៉ុនប៉ងធ្វើអត្តឃាត។
នៅពេលបន្ទាប់មក តារាចំរៀងរូបនោះ បានចេញមុខសុំទោសដល់អ្នកគាំទ្រ ដែលនាងបានធ្វើឲ្យមានការព្រួយបារម្ភ ពីសំណាក់អ្នកគាំទ្រ។
ប៉ូលីសបញ្ជាក់ថា Goo Hara បានស្លាប់នៅម៉ោង ៦ល្ងាចកាលពីថ្ងៃសៅរិ៍ នៅផ្ទះរបស់នាង។
Goo Hara គឺជាអតីតសមាជិកក្រុមចម្រៀង Kara ដែលនាងបានចូលរួមកាលពីឆ្នាំ ២០០៨។ ក្រុមចំរៀងនោះត្រូវបានបំបែកក្រុមកាលពីឆ្នាំ ២០១៦។
សូមបញ្ជាក់ថា ការស្លាប់របស់តារាងខាងលើ កើតឡើងតែមួយខែប៉ុណ្ណោះ ក្រោយពេលអតីតសមាជិកក្រុមនារី K-pop ឈ្មោះ Sulli ត្រូវបានគេប្រទះឃើញស្លាប់ ដោយសង្ស័យថាបានធ្វើអត្តឃាត។
អត្ថបទប្រែសម្រួលដោយ៖ សុភ័ក្រ
ប្រភព៖ BBC
