អ្នកនេសាទចំនួន ៣នាក់បានស្លាប់ និងម្នាក់ទៀតកំពុងបាត់ខ្លួន នៅពេលដែលទូកនេសាទកូរ៉េខាងត្បូងមួយគ្រឿងលិច នៅភាគខាងជើងកោះទេសចរណ៍ Jeju។ នេះបើតាមការចុះផ្សាយរបស់កាសែតកូរ៉េខាងត្បូង Yonhap នៅថ្ងៃច័ន្ទម្សិលមិញនេះ។
អ្នកនៅលើទូកនេសាទទម្ងន់ ២៤តោនបានធ្វើការរាយការណ៍ទៅប៉ូលីសនៅម៉ោង ៦ព្រឹក (ម៉ោងនៅកូរ៉េខាងត្បូង) ដោយប្រាប់ថា ទូករបស់ពួកគេកំពុងតែលិចហើយ។ មុនពេលលិច នៅលើទូកមានអ្នកនេសាទចំនួន១៤នាក់។
មនុស្សសរុបចំនួន ១៣នាក់ត្រូវបានជួយសង្រ្គោះ និងបានបញ្ជូនទៅកាន់មន្ទីរពេទ្យ។ ម្នាក់បាត់ខ្លួន។
អ្នកនេសាទ ៣នាក់ ស្ថិតក្នុងវ័យ៦០ឆ្នាំបានស្លាប់នៅក្នុងមន្ទីរពេទ្យ។
កាសែតបញ្ជាក់ថា ប្រតិបត្តិការជួយសង្រ្គោះមានការលំបាកខ្លាំង ដោយសារតែរលកធំៗ និងមានខ្យល់បក់ខ្លាំង៕
អត្ថបទប្រែសម្រួលដោយ៖ សុភ័ក្រ
ប្រភព៖ Xinhua