ទាហ៊ានបារាំងចំនួន ១៣នាក់បានស្លាប់បាត់បង់ជីវិត ក្នុងហេតុការណ៍យន្តហោះបុកគ្នា កំពុងពេលធ្វើប្រតិបត្តិការប្រឆាំង នឹងក្រុមសកម្មប្រយុទ្ធជីហាត នៅក្នុងប្រទេសម៉ាលី។ នេះបើតាមការបញ្ជាក់របស់ការិយាល័យប្រធានាធិបតី។
ការស៊ើបអង្កេតត្រូវបានធ្វើឡើង ដើម្បីស្វែងរកមូលហេតុដែលបណ្តាលឲ្យយន្តហោះបុកគ្នា។
ការប៉ះទង្គិចគ្នា កើតឡើងនៅពេលយប់ម៉ោងប្រហែលជិត ៨ (ម៉ោងនៅម៉ាលី) កាលពីថ្ងៃចន្ទដើមសប្តាហ៍នេះ ក្បែរព្រំដែនប្រទេសបូគីណា (Burkina Faso) និង នីជើ (Niger)។
ឧទ្ធម្ភាគចក្រប្រយុទ្ធបានបុកគ្នា ជាមួយនឹងយន្តហោះដឹកជញ្ជូន នៅកណ្តាលអាកាស ខណៈដែលវាកំពុងធ្វើសមយុទ្ធ ដើម្បីចូលរួមប្រតិបត្តិការ ប្រឆាំងនឹងក្រុមសកម្មប្រយុទ្ធ។
យន្តហោះទាំងពីរបានធ្លាក់នៅចម្ងាយជិតគ្នា បណ្តាលឲ្យមនុស្សស្លាប់ទាំងអស់។
ប្រធានាធិបតីបារាំង លោក Emmanuel Macron បានសម្តែងការសោកស្តាយចំពោះការបាត់បង់ដ៏ធំធេង។
សូមបញ្ជាក់ថា ទាហ៊ានបារាំងរាប់ពាន់នាក់ ត្រូវបានដាក់ពង្រាយនៅក្នុងប្រទេសម៉ាលីស ចាប់តាំងពីឆ្នាំ ២០១៣ ក្រោយពេលក្រុមសកម្មប្រយុទ្ធបានលុកលុយចូលភាគខាងជើងប្រទេសម៉ាលីស។
ទាហ៊ានម៉ាលីបានដំណើ្តមកាន់កាប់ដែនដីនោះវិញ ប៉ុន្តែបញ្ហាអសន្តិសុខនៅតែបន្តមាន ហើយអំពើហឹង្សាបានរាលដាល ដល់ប្រទេសជិតខាងជាច្រើន។
បច្ចុប្បន្ន បារាំងមានទ័ពចំនួន ៤.៥០០នាក់ ដើម្បីគាំទ្រដល់កងកម្លាំងប្រទេសម៉ាលី នីជើ បូគីណា ឆាត និងប្រទេស ម៉ូរីតានៀ៕
អត្ថបទប្រែសម្រួលដោយ៖ សុភ័ក្រ
ប្រភព៖ BBC
