ប្រទេសបារាំងនឹងមិនធ្វើការហាមឃាត់ប្រព័ន្ធ 5G របស់ក្រុមហ៊ុន Huawei នៅក្នុងប្រទេសរបស់ខ្លួនឡើយ ដែលវិធានការនេះបង្ហាញថា បារាំងមិនស្ថិតក្រោមសម្ពាធរបស់អាមេរិចឡើយ។
អាមេរិចបានបញ្ចុះបញ្ចូលប្រទេសសម្ព័ន្ធមិត្តជាច្រើន ឲ្យបោះបង់ចោលប្រព័ន្ធ 5G របស់ Huawei ដោយខ្លួនលើកឡើងថា អាចនឹងប៉ះពាល់ដល់សន្តិសុខជាតិ។
រដ្ឋមន្រ្តីសេដ្ឋកិច្ចបារាំងបានថ្លែងថា “ពួកយើងមិនមានគោលដៅផ្តោតលើអ្នកផលិតឧបករណ៍ណាមួយឡើយ ហើយក៏មិនមានការផាត់ចោលដែរ”។
លោកថ្លែងប្រាប់ទូរទស្សន៍ BFM ដូច្នេះថា “មានក្រុមហ៊ុនចំនួន ៣កំពុងប្រតិបត្តិការនៅបារាំង។ ក្រុមហ៊ុន Huawei មានទីផ្សារចំនួន ២៥ភាគ ក្រៅពីនោះជារបស់ Nokia និង Ericsson។ ក្រុមហ៊ុន Samsung មិនទាន់មានប្រតិបត្តិការឡើយនៅបារាំង ប៉ុន្តែកំពុងតែចាប់អារម្មណ៍ដោយ 5G”។
លោកបានថ្លែងថា បារាំងមិនធ្វើតាមគោលជំហររបស់អាមេរិចឡើយ ប៉ុន្តែបារាំងនឹងធ្វើការត្រួតពិនិត្យលើបញ្ហាសន្តិសុខរបស់ខ្លួន។ ក្រុមហ៊ុនប្រតិបត្តិទាំងអស់ត្រូវតែចុះហត្ថលេខា ដោយការិយាល័យនាយករដ្ឋមន្រ្តី។
អត្ថបទប្រែសម្រួលដោយ៖ សុភ័ក្រ
ប្រភព៖ Xinhua
