ភ្នំពេញ ៖ព្រះអង្គម្ចាស់ នរោត្តម ចក្រាវុធ ប្រធានស្តីទីគណបក្សហ៊្វុនស៊ិនប៉ិច បានតែងតាំង ព្រះអង្គម្ចាស់ក្សត្រី នរោត្តម ម៉ារី ដែលជាព្រះមាតារបស់ព្រះអង្គ ជានាយិកាព្រះខុទ្ទកាល័យ សម្តេចក្រុមព្រះ នរោត្តម រណឫទ្ធិ ព្រះប្រធានគណបក្សហ៊្វុនស៊ិនប៉ិច។ នេះបើតាមសេចក្តីសម្រេចនៅថ្ងៃទី២៧ខែវិច្ឆិកានេះ។
យោងតាមសេចក្តីសម្រេចរបស់គណបក្សហ្វ៊ុនស៊ិនប៉ិច ចេញផ្សាយនៅថ្ងៃទី២៧ វិច្ឆិកានេះបានសម្រេច ការតែងតាំងនាយិកាព្រះខុទ្ទកាល័យសម្តេចក្រុមព្រះនរោត្តមរណឫទ្ធិ ព្រះប្រធានគណបក្សហ្វ៊ុនស៊ិនប៉ិច ។
សេចក្តីសម្រេច ដែលចុះព្រះហត្ថលេខាដោយព្រះអង្គម្ចាស់ នរោត្តម ចក្រាវុធ ប្រធានស្តីទីគណបក្សហ៊្វុនស៊ិនប៉ិច បញ្ជាក់ថា គណបក្សហ្វ៊ុនស៊ិនប៉ិចបានទ្រង់យល់លក្ខន្តិករបស់គណបក្សហ្វ៊ុនស៊ិនប៉ិច បានទ្រង់យល់បទបញ្ជាផ្ទៃក្នុងរបស់គណបក្ស និងយោងតម្រូវការចាំបាច់ របស់គណបក្សហ្វ៊ុនស៊ិនប៉ិច ដោយសម្រេចប្រការ១- តែងតាំងព្រះអង្គម្ចាស់ក្សត្រី នរោត្តម ម៉ារី ជានាយិកាព្រះខុទ្ទកាល័យ សម្តេចក្រុមព្រះនរោត្តម រណឫទ្ធិ ព្រះប្រធានគណបក្សហ្វ៊ុនស៊ិនប៉ិច ។ ប្រការ២- សាមីខ្លួនដូចមានចែងក្នុងប្រការ១ ត្រូវអនុវត្តសេចក្តីសម្រេចនេះ ឲ្យមានប្រសិទ្ធភាពខ្ពស់ ។ ប្រការ៣- សេចក្តីសម្រេចណាដែលផ្ទុយនឹងសេចក្តីសម្រេចនេះត្រូវទុកជានិរាករណ៍ ។ ប្រការ៤- សេចក្តីសម្រេចនេះចូលជាធរមានចាប់ពីថ្ងៃឡាយព្រះហស្តលេខានេះតទៅ ៕ដោយ៖កូឡាប
