ភ្នំពេញ៖ អាជ្ញាធរមីន បានប្រកាសព័ត៌មានលើទំព័រហ្វេសប៊ុកថា នៅថ្ងៃទី ២៧ ខែ វិច្ឆិកា ឆ្នាំ ២០ ១៩ នៅក្នុងសន្និសីទត្រួត ពិនិត្យឡើងវិញលើកទី៤ ក្នុងទីក្រុងអូស្លូ ប្រទេសន័រវេស្ស លោកទេសរដ្ឋមន្ត្រី លី ធុជ បានដឹកនាំប្រតិភូកម្ពុជា ជួបពិភាក្សា ការងារដាច់ដោយឡែក ជាមួយប្រតិភូចិន អូស្ត្រាលី និងស្វីស ។
លោកទេសរដ្ឋមន្ត្រី ជួប ប្រតិភូចិន ដឹកនាំដោយ លោក Ma Shengkun, Deputy Director-General, Department of Arms Control and Disarmament, Ministry of Foreign Affairs ពិភាក្សាអំពីជំនួយរបស់ចិនលើវិស័យសកម្មភាពមីន។
ប្រតិភូ អូស្ត្រាលី ដឹកនាំដោយ លោក William Elischer Director, Conventional Weapons and Defence Exports Section, Department of Foreign Affairs and Trade។
ប្រតិភូស្វីស ដឹកនាំដោយ លោកM. Félix Baumann, Ambassadeur, Représentant permanente de la Suisse auprès de la Conférence du désarmement, Mission permanente de la Suisse auprès de l’Office des Nations Unies et des autres organisations internationales à Geneve។
លោកទេសរដ្ឋមន្ត្រី បានលើកឡើងនូវភារកិច្ចអាទិភាពចំបងចំនួនប្រាំដែលកម្ពុជាត្រូវអនុវត្ត ដើម្បីឈានទៅសម្រេចបាននូវគោលដៅ ប្រទេសកម្ពុជាអស់ការគម្រាមដោយសារមីន ឆ្នាំ២០២៥ គឺ៖ បញ្ចប់ការស្រាវជ្រាវ៧៣ស្រុក ត្រឹមឆ្នាំ២០២០ បន្តជំរុញឲ្យកងយោធពលខេមរភូមិន្ទចំនួន២.០០០នាក់ ចូលរួមក្នុងការបោសសម្អាតមីនមនុស្សធម៌ បន្តកែលម្អវិធីសាស្ត្រក្នុងការកាត់បន្ថយផ្ទៃដី បន្តប្រឹងប្រែងរកម្ចាស់ជំនួយថ្មីៗបន្ថែមទៀតតាមគ្រប់ប្រភព បោសសម្អាតផ្ទៃដីដែមានមីនប្រឆាំងមនុស្សប្រមាណ៨០៦គីឡូម៉ែត្រក្រឡា ពីឆ្នាំ២០២០-២០២៥។
លោកទេសរដ្ឋមន្ត្រី បានថ្លែងអំណរគុណចំពោះភាគីពាក់ព័ន្ធដែលបានផ្តល់កិច្ចសហការ និងបន្តគាំទ្រកម្ពុជាលើវិស័យបោសសម្អាតមីន។
លោកទេសរដ្ឋមន្ត្រី ក៏បានស្នើសុំឲ្យបន្តជួយកម្ពុជាលើផ្នែកគ្រប់គ្រង ផ្នែកសម្ភារៈបរិក្ខា និងការបណ្តុះបណ្តាលបច្ចេកទេស។
ភាគីចិន សន្យានៅបន្តគាំទ្រ និងពិនិត្យលទ្ធភាពផ្តល់ជំនួយបន្ថែមតាមការស្នើសុំ។ អូស្ត្រាលី បានចូលរួមគាំទ្រកម្ពុជាសម្រាប់ការខិតខំប្រឹងប្រែងដោះស្រាយបញ្ហាមីន។ ស្វីស បន្តផ្តល់នូវកិច្ចសហការនិងគាំទ្រផ្នែកបច្ចេកទេស និងស្នើសុំឲ្យកម្ពុជាពិនិត្យលទ្ធភាពចូលជារដ្ឋភាគីនៃអនុសញ្ញាគ្រាប់បែកចង្កោម៕ ដោយ៖កូឡាប