កំពង់ស្ពឺ ÷ មានករណីគ្រោះថ្នាក់ចរាចរណ៍នៅលេីកំណាត់ផ្លូវជាតិលេខ៤ ស្ថិតក្នុងចំណុចស្ពានអូរក្រាំងអំបិល ភូមិស្លា ឃុំវល្លិ៍ស ស្រុកសំរោងទង ខេត្តកំពង់ស្ពឺ បុកបង្កាន់ដៃស្ពានបង្កឡេីងដោយរថយន្ដដឹកទំនិញផ្ទាល់ខ្លួន«ដឹកឥដ្ឋការ៉ូ»។
ស្នងការដ្ឋាននគរបាលខេត្តកំពង់ស្ពឺ បានឲ្យដឹងថា កាលពីវេលាម៉ោង១៧និង១៥នាទី នាថ្ងៃទី ២៧ ខែវិច្ឆិកា ឆ្នាំ២០១៩ មានករណីគ្រោះថ្នាក់ចរាចរណ៍ បង្កឡេីងដោយរថយន្ដ មួយគ្រឿងមានផ្លាកលេខ ភ្នំពេញ 3A-7700ដឹកទំនិញផ្ទាល់ខ្លួន ប្រភេទ ២.៥តោន ពណ៌ខៀវ មានទ្រុងពណ៌ប្រផេះ «ដឹកឥដ្ឋការ៉ូ» បេីកបរពីទិសខាងកេីត ឆ្ពោះទៅទិសខាងលិច លុះមកដល់ចំណុចលេីស្ពាន រថយន្តបានរេចង្កូតទៅចំណែកផ្លូវនៃឆ្វេងដៃ ចូលគន្លងចំណែកផ្លូវ បញ្ច្រាសទិសគ្នារួចបានបុកបង្កាន់ដៃស្ពានតែម្ដង ប៉ុន្តែមិនបណ្ដាលឲ្យរងរបួសដល់អ្នកធ្វើដំណើរនោះឡេីយ។ ចំពោះអ្នកបេីកបររងរបួសធ្ងន់ ត្រូវបានបញ្ជូនទៅកាន់មន្ទីរពេទ្យឯកជនដើម្បីជួយសង្គ្រោះ អ្នកបើកបរមាន ឈ្មោះ សឿម ពឿន ភេទប្រុស អាយ៣៨ឆ្នាំ រស់នៅភូមិស្រែល្វា ឃុំត្រពាំងជង ស្រុកបាកាន ខេត្តពោធិសាត់ ។
ក្រោយហេតុការណ៍ សមត្ថកិច្ចនគរបាលនៃអធិការដ្ឋានស្រុកសំរោងទង ដឹកនាំដោយលោកវរសេនីយ៍ឯក ឃុត សុផល អធិការនគរបាលស្រុក និងបានការបញ្ជាដឹកនាំពីលោកឧត្ដមសេនីយ៍ទោ សម សាមួន ស្នងការនគរបាលខេត្តកំពង់ស្ពឺ កម្លាំងនគរបាលបានចុះសម្រួលចរាចរណ៍និងមានកិច្ចសហការពីរថយន្ដស្ទួចរបស់ក្រុមហ៊ុនធ្វើផ្លូវល្បឿនលឿន ភ្នំពេញ ព្រះសីហនុ ដែលនៅការដ្ឋានក្បែរនោះ បានចំណាត់ការជួយស្ទួច អូសយករថយន្តបង្កចេញ ដេីម្បីសម្រួលចរាចរណ៍ជូនបងប្អូនប្រជាពលរដ្ឋឆ្លងកាត់ ដេីម្បីបញ្ច្រាសការកកស្ទះចរាចរណ៍ ប្រតិបត្តិការប្រេីពេលអស់ ៥០នាទី នៅវេលាម៉ោង ១៨និង០៥នាទី រថយន្ដបង្កត្រូវបានស្ទួចយកចេញពីទីតាំងស្ពានបានដោយសុវត្ថិភាព
តាមការបញ្ជាក់ពីមន្ដ្រីជំនាញចរាចរណ៍ថាករណីគ្រោះថ្នាក់ចរាចរណ៍ខាងលេី អាចមកពីបេីកបរប្រេីប្រាស់គ្រឿងអេឡិចត្រូនិច និយាយទូរស័ព្ទ ជំនាញកំពុងចុះស្រាវជ្រាវរកមូលហេតុពិតប្រាកដ ចំពោះមធ្យោបាយរថយន្ត បានស្ទួចយកមករក្សាទុកបណ្ដោះអាសន្ន រង់ចាំចំណាត់ការតាមនីតិវិធីច្បាប់ ៕ ដោយ៖កូឡាប
