កណ្តាល៖ នគរបាលខេត្តកណ្តាលម្នាក់រងរបួសធ្ងន់បាក់ជើងទាំងសងខាងខណ:ពេលកំពុងបំពេញភារកិច្ចសម្រួលចរាចរណ៌លើដងផ្លូវ ស្រាប់ម្ចាស់រថយន្តTacoma ល្មើសបំពានមិនស្តាប់ការបញ្ជារបស់នគរបាលចរាចរណ៍ដែលមានឈ្មោះ ទូច សៅហេង ឲ្យអែបខាង មិនតែប៉ុណ្ណោះថែមទាំងបើកបំបុកបណ្តាលឲ្យប៉ើងនគរបាលចរាចរណ៍ខ្ទាត៥ម៉ែត្រ មិនត្រឹមតែប៉ុណ្ណោះថែមល្បឿនបើករត់គេចទៀត។
លោកអ៊ាវ ចំរើន ស្នងការនគរបាលខេត្តកណ្តាល បានឲ្យដឹងថា នគរបាលចរាចរណ៌ផ្លូវគោកនៃស្នងការដ្ឋាននគរបាលខេត្តកណ្តាលម្នាក់រងរបួសធ្ងន់បាក់ជើងទាំងសងខាងខណ:ពេលកំពុងបំពេញភារកិច្ចសម្រួលចរាចរណ៍លើដងផ្លូវ ដែលគ្រោះថ្នាក់នេះកើតឡើងនៅវេលាម៉ោង២០និង០០នាទី នាថ្ងៃទី២៨ វិច្ឆកា ២០១៩ បង្កឡើងដោយម្ចាស់រថយន្ត Tacoma ល្មើសបំពានមិនស្តាប់ការបញ្ជារបស់នគរបាលចរាចរណ៌ដែលមានឈ្មោះអនុសេនីយ៍ឯក ទូច សៅហេង ឲ្យអែបខាង មិនតែប៉ុណ្ណោះថែមទាំងបើកបំបុកបណ្តាលឲ្យប៉ើងនគរបាលចរាចរណ៍ខ្ទាត៥ម៉ែត្រ មិនត្រឹមតែប៉ុណ្ណោះថែមល្បឿនបើករត់គេចទៀត យ៉ាងណាម៉ិញដោយមានការសហការល្អរបស់សមត្ថកិច្ចបានធ្វើការឃាត់បានរថយន្តភ្លាមៗផងដែរ ប៉ុន្តែជាអកុសលម្ចាស់រថយន្តបានរត់គេចចេញបាត់ទៅហើយ។
លោកស្នងការ បានថ្លែងថា “យើងសង្ឃឹមថាទោះម្ចាស់រថយន្តរត់ទៅដល់ទីណាក៌មិនរួចផុតពីសំណាញ់សមត្ថកិច្ចឡើយ សូមអញ្ជើញម្ចាស់រថយន្តចូលខ្លួនសារភាពកំហុសជាបន្ទាន់ យើងជឿថាលោកអាចស្គាល់ពីសមត្ថភាពរបស់មន្ត្រីនគរបាលខេត្តកណ្តាលរួចហើយ”។
លោកបន្តថា ” យើងខ្ញុំទាំងអស់គ្នាជាមន្ត្រីរួមអាជីពជាមួយលោកអនុសេនីយ៍ឯក ទូច សៅហេង សូមចូលរួមសោកស្តាយដែលត្រូវជនពាលអវិជ្ជាប្រមាថដល់ជីវិតក្នុងពេលបំពេញបេកម្មបែបនេះ យើងខ្ញុំសូមចូលរួមរំលែកនៅទុក្ខដ៏ធ្ងន់ធ្ងរនេះផង “៕ ដោយ៖កូឡាប
