តាកែវ ៖ លោកឧត្តមសេនីយ៍ទោ សុខ សំណាង ស្នងការនគរបាលខេត្តតាកែវ មានប្រសាសន៍លើកទ្បើងនៅក្នុងកិច្ចប្រជុំ បូកសរុបរបាយ៍ការណ៍ និងលទ្ធផលកិច្ចសហប្រតិបត្តិការ រក្សាសន្តិសុខសណ្តាប់ធ្នាប់សង្គម ប្រចាំខែវិច្ឆកា និងលើកទិសដៅខែធ្នូ ឆ្នាំ២០១៩ ព្រឹកថ្ងៃទី ២៧ វិច្ឆិកានេះថា លោកអធិការ ឬលោកមេប៉ុស្តិ៍ទាំងអស់ នៅពេលចុះធ្វើការ បង្គ្រាបបទល្មើសល្បែងស៊ីសង គឺត្រូវតែចាប់ឲ្យបាន កុំឲ្យរត់រួចឲ្យសោះទើបថ្ងៃក្រោយទៅ ពួកគាត់មានការរាងចាល កុំទៅចាប់តែខ្យល់ហើយមកកន្លែងវិញដៃទទេបែបនេះ មួយវិញទៀតនគរបាល ដែលមានពាក់ព័ន្ធនិងបទល្មើសល្បែងស៊ីសងនោះ ត្រូវដកខ្លួនចេញជាបន្ទាន់ ។
លោក ស្នងការបន្តទៀតថា ដើម្បីធានាឲ្យបាន និងមានប្រសិទ្ធភាព ទៅតាមគោលនយោបាយរបស់ប្រមុខរាជរដ្ឋាភិបាល ដែលដាក់ឲ្យអនុវត្តន៍ នៅផែនការភូមិឃុំ មានសុវត្ថិភាពនៅថ្នាក់ជាតិ និងថ្នាក់ក្រោមជាតិ ក៏ដូចជានៅតាមមូលដ្ឋានភូមិឃុំ ឲ្យបានល្អប្រសើរឲ្យបានជាដាច់ខាតនោះ ក្នុងនាមលោកជាស្នងការ និងជាអ្នកបញ្ជាផ្ទាល់ សុំធ្វើការរំលឹកដាស់តឿនជាថ្មីម្តងទៀត ធ្វើយ៉ាងណាត្រូវតែគោរព ធ្វើតាមឲ្យបានជាដាច់ខាត នៅយុទ្ធសាស្ត្រ ក៏ដូចជាផែនដែលបានដាក់ឲ្យអនុវត្តន៍ មិនត្រូវទម្លាក់ដៃចោលដូច្នេះទេ ។ ហើយម្យ៉ាងទៀត នៅពេលចុះធ្វើប្រតិបត្តិការម្តងៗ ត្រូវក្តាប់សភាពការណ៍ឲ្យច្បាស់ កុំទៅចាប់តែខ្យល់ ឲ្យអ្នកញៀនល្បែងដឹងខ្លួនរត់រួចខ្លួនបាត់ និងពេលខ្លះទៅចាប់បានតែម៉ូតូកង់កាញ់ចាស់ ដែលគេទុកចោលអញ្ចឹងនោះ វាគ្មានប្រយោជន៍ទេ ។
លោកស្នងការបន្តទៀតថា តែផ្ទុយទៅវិញក្នុងនាមជាអ្នកអនុវត្តន៍ច្បាប់ មិនត្រូវមានការឃុបឃិតបើកស្បែងស៊ីង ឬធ្វើជាអ្នករត់ការឲ្យអ្នកលេងល្បែងនោះទេ ដោយគ្រាន់តែបានភាគលាភបន្តិចបន្ទូច ដែលវាធ្វើមានការិះគន់ពីមហាជនមកលើ ស្ថាប័ននគរបាលរបស់យើង ដូច្នេះត្រូវឈរលើគោលការណ៍ច្បាប់ជាធំទើបជាការល្អ តែប្រសិនបើអស់លោកជាអធិការ អស់លោកជាមេប៉ុស្តិ៍រូបណាមួយ ហ៊ានលូកដៃពាក់ព័ន្ធ រឿងដែលបានហាម ឃាត់នោះ គឺអស់លោកជាអ្នកទទួលខុសត្រូវ មុខច្បាប់ដោយខ្លួនឯង ឬអាចឈានដល់ការបញ្ឈរជើង ដកតួនាទី ឬបញ្ឈប់ពីការងារ បើសិនជាមានសើបដឹងច្បាស់លាស់នោះ ៕ដោយ៖ តាកែវ
